Namak har khane ki jaan hai,Ye har kitchin me Moujood hota hai,aur kitchin ka sabse Zaruri ingredient mana jata hai.Agar khane mein namak na ho to khana hi adhura sa lagta hai.Har khane mein namak se hi ushke taste ki pahchaan hoti hai.
Kuch logo ki adat hoti hai ki khane ke time par wo khane par upar se bhi namak chhidak kar khate hai kyuki unko jada namak me hi swad samajh mein aata hai.Unhe aisa lagta hai ki khane me upar se namak daalne se ushka swad aur badh jayga.
Lekin kya aap jante hai ki ye chhoti si adat dheere dheere apke sehat par bura asar daal sakti hai ?
Health Experts Kya Kahte Hai ?
Health Experts ke mutabik hamari body ko namak ki zarurat hoti hai,kyuki ishme sodium hota hai jo hamari body ke kai function ko support karta hai.
Lekin zarurat se zyada sodium lena health ke liye problem bhi bana sakte hai,To chaliye ish article ke madhyam se jante hai ki khane par upar se namak chhidakne ki adat kyu nuksandayak ho sakti hai.
Kya Aap Jaante Hai Ki Sareer Ko Namak Ki Jarurat Kyu Hoti Hai ?
Hame ye baat malum honi chahiye ki Namak me sodium ki matra hoti hai jo ki hamare shareer ke liy zaruri hota hai. Yeh hamari body mein kai prakar ke kaam karta hai jaise-
- Hamari Nerves ko sahi tareeke se kaam karne mein help karta hai.
- Muscles ki functioning ko bhi support karta hai.
- Hamari body me pani ka balance ko banaye rakhta hai.
- Aur sabse jaruri baat to ye hai ki blood pressure ko control karne me role nibhata hai.
- Lekin zarurat se Zyada sodium lena bhi body mein dikkat kar sakta hai.
Khane Par Upar Se Namak Chhidakna Kyu Ho Sakta Hai Nuksandayak ?
1.Bane Hue Khane Par Fir Se Namak Dalne Se-Jab apka khana pahle se hi bana hota hai aur khane ke time par aap ush khane par upar se aur namak ko chhidakte hai jis karan khane mein sodium ki matra jyada ho jati hai jo apke body ke liy harmful ho sakta hai.
2. Blood Pressure Ke Badhne ka Bhi risk Hota Hai- Jab aap khane ke time par upar se aur namak lete hai isse zyada sodium ki matra body mein ho jati hai, aur ye body mein pani rokne lagta hain,isse blood vessels par pressure badh sakta hai aur blood pressure jaisi problem bhi ho sakti hai.
3. Heart ki Problem Ho Sakti Hai- zyada namak ke sewan se apke heart par bhi bura asar padh sakta hai.Ek good heart ke liye hame namak ka kam sewan karna chahiye.
4.Kidney Par bhi jada Jor Padhta Hai-Kidney hamare body se extra namak ko bahar karne me help karti hai par yadi sodium jyada ho jaye to hamari body ki kidney par bhi extra pressure padhta hai,
5.Body Mein Sujan Ki Problem bhi Ho Sakti Hai- Jada namak lene se hath aur per me sujan jesi problem bhi ho sakti hai.Zyada namak lene se hamari body paani rok sakti hai aur ishi karan se swelling hoti hai.
Zyada Namak Khane Se Body mein Hone Wale Changes ke symptoms-
- Baar baar pyas lag sakti hai.
- Hath or body me sujan aa sakti hai.
- Sir dard ho sakta hai.
- Blood pressure bhi increase ho salta hai?
- Thakaan mehsus ho sakti hai.
Inme se har symptoms ka karan sirf namak hi nahi hota hai,Lekin ye problem yadi bar bar ho Rahi hai to doctor ko batana jada jaruri hai.
Hame Ek Din Me Kitna Namak khana Chaiye ?
Experts batate hai ki ek normal adult ko din bhar me lagbhag 5 Gram namak se jada ka sewan nhi karna chahiye
Kin Logon Ko Extra Namak Se Zyada Savdhaan rahna chahiye_
- High Blood pressure wale logo ko.
- Heart ke Mareejo ko.
- Kidney issue wale logon ko.
- Old age people ko
- Diabetes ke Patients ko
Khane Par Upar Se Namak lena kaise kam Kare ?
Yadi aap bhi hmesa khane ke time par upar se bhi namak ko chhidakte hai to apko ish adat ko dheere dheere kam karna chahiye. Par apke man mein ye sawal jarur aata hoga ki kaisde namak ka sewan kam karein-
- Khane ko pahle se taste karein- Kai log khane me bina taste kare hi upar se namak daal lete hai ya namak ko apne pass rakh lete hai hame aisa nhi karna chahiye,khane me jo bhi namak hai pahle se ushe hi khay upar se bilkul na le,yadi aap pahle se hi man mein ye soch lenge ki namak upar se nhi lena hai to dheere dheere hi sahi par ek din ye apki adat ban jygi.
- Packaged Foods Kam Kare- Aap yahi kosish kare ki packaged food bilkul bhi na khaye kyuki ushme sodium ki matra jada hoti hai.
- Masalon Ka Use Kare- Khane ke taste ko aur bhi jada enhance karne ke liye aap masalon ka use kar sakte hai jiske karan apko halka namak wala khana bhi achha lagega.
Ab Kuch Myths vs Facts Jante Hai-
Myth – Upar se namak khane se body me koi farq nahi padta.
Fact- Agar hum daily hi apne khane me upar se namak lekar khate hai to hamare body me sodium ki matra jada ho sakti hai aur body prabhavit ho sakti hai.
Myth-Kala namak aur sendha namak jitna chaho utna marji kha sakte hai.
Fact- Inme bhi sodium ki matra hoti hai ishliy in namak ka bhi jada sewan karna ya upar se khane me khana apki body me prabhav daal sakta hai.
Kya Aap Jante Hai Ki Jada Namak Khane Se Vajan Par Kya Asar Padhta hai ?
Zyada Namak matlub zyada sodium,aur body me zyada sodium matlub body me water retention kar sakta hai.Jishke karan apki body phooli hui lag sakti hai,kai log ishe fat samajh lete hai par ye fat nhi hota hai,par kai bar ye pani rukne ke wajah se hota hai.
Ek Main Question -Kya Bachchon Ko Zyada Namak Dena Sahi Hai ?
Bachchon ko zyada namak dene ki zarurat nhi haoti hai,Hame unhe kam hi namak dena chahiye kyuki yadi susu se hi hum unhe zyada namak dete hai to unko suru se hi zyada namak khane ki adat ban jygi or ye aadat unko future mein unhealthy eating habits devlop kar sakti hai jo harmful hai.
Kuch Intresting Facts Namak Ke,Kya Aap Jante Ho ?
- Hamari body sodium khud nahi banati hai.
- Namak ka pehle use food preserve karne ke liye bhi hota tha.
- Taste ke liye bhi or ishke sath sath body functions me bhi ishka role hota hai.
Conclusion
Khane mein namak zaruri hai par sabse zyada hamare liye hamari sehat zaruri hai.Yadi apki bhi aadat hai ki khane par upar se namak chhidak kar khate hai to ye apke liye aur apki body ke liye hanikarak ho sakta hai.Sehat hamare liye zyada zaruri hai ishliye dheere dheere ish upar se namak ko lene ki aadat ko kam karna hi hamare liye faydemand ho sakta hai.Khane mein halka namak hi hona jada sehat ke liye achha hota hai.Taste aur health ke beech balance banana bhut zyada zaruri hai. In chhoti habits ko follow karke aap apni life ko zyada better bana sakte hai.
FAQs
- Kya khane par upar se namak daalna galat hai ?
Kabhi kabhi thoda namak upar se lene mein koi problem nahi hoti par daily yadi aap khane par upar se aur namak lete hai to ye apke liye problem kar sakta hai.
2.Kya Kala namak normal namak se better haota hai ?
Aisa nahi hai kale namak ka taste alag hota hai,lekin ushme bhi sodium hota hai.
3.Kya zyada namak lene se hamara blood pressure badh sakta hai ?
Haan,zyada namak lene se jada sodium ,blood pressure ko prabhavit kar sakta hai.
4.Namak kam karne ka sabse aasan tareka kya hai ?
Salt bin ko apni kahne ki table se dur rakhe aur kosis karein ki jo namak pahle se hai ushke upar alag se namak nahi lena hai,kosis karne se dheere dheere aadat ho sakti hai.
5. Kya zyada namak khane se pyas zyada lagti hai ?
Haan, zyada namak khane se hame pyas zyada lag sakti hai kyuki zyada namak khane se hamare body ko fluid balance ko banaye rakhne ke liye pani ki zarurat mehsoos ho sakti hai.
6.Kya namak kam khane se hamari taste ki aadat badal jati hai ?
Haan,yadi dheere dheere namak upar se lena band kar diya jaye to kuch samay baad hamari taste buds usi ke hiasb se adjust ho jati hai.
7.Kya namak bilkul band kar dena chahiye ?
Nahi,kyuki body ko sodium ki zarurat hoti hai,lekin zyada matra mein namak ka sewan hamare liye harmful ho sakta hai.
8. Kya exercise karne wale log zyada namak kha sakte hain?
Nahi, Zyada namak kisi ke liye bhi achha nahi hota,hame ek seemit matra mein hi namak ka sewan karna chahiye.
9.Kya zyada namak Khane Se Face Par Sujan jaisi problem ho sakti hai ?
Haan, kuch logon me zyada namak khane ke karan,body me pani ruk sakta hai jisse chehre ya body par bhi sujan dikh sakti hai.
10.Kya khane par kala namak chhidakna bhi normal namak jaisa hi hota hai ?
Kale namak ka taste thoda alag hota hai par ushme bhi sodium ki matra hoti hai jo zyada lene body me prabhav daal sakti hai.
