Immunity Boost na hone ke karan aaj kal log bhut jaldi bimar hone lage hai, aur aaj kal ki busy lifestyle aur unhealthy eating habits ki wajah se log bimari wali life zee rahe hai.Baar baar sardi,khasi,jukham,ser sard,body pain,thakan aur infection hona aaj kal bhut hi common ho gya hain.
In sab problems ka ek hi karan hota hai wo hai hamari weak immunity.Immunity hamari body ka natural defense system hota hai jo humein bahar ke harmful bacteria aur viruses se bachata hai.
Yadi immunity strong ho to hum kam bimar padhte hai aur hamari body jaldi recover kar leti hai.
Kya apko bhi jaldi thakan mehsoos hoti hai,aur aap jaldi bimar padh jate hai aur apki recovery bhi bhut late hoti hai.To ho sakta hai ki apki immunity weak ho.Lekin ek achhi baat ye hai ki immunity ko naturally bhi strong kiya ja sakta hai wo b hi bina kisi medicine ke.
Ish article me aap yahi janenge ki simple,natural aur effective tarike se kese aap apni immunity ko strong bana sakte hai.
Kya Hai Immunity ?
Immunity yani ki apki body ka ek defesnse system hota hai jo apki body ke harmful germs ko pehchan kar unse ladta hai.Yadi apki immunity bhut strong hai to ye germs apko jada prabhavit nahi kar paate,aur tub hum kam bimaar padhte hai.Immunity apki body ka ek security system hai,jitna strong security system utni hi kam bimari,aur yadi weak security system hai to jaldi infection hoga.Immunity ek aisi power hai jo apko bimariyon se ladne me help karti hai aur apko safe rakhti hai.
Kya Hai Immunity Weak Hone Ke Lakshan ?
1.Baar baar sardi khasi aur jukham hona– Yadi apko ye chhoti chhoti problem jaise sardi,khasi,jukham baar baar ho jati hai aur ye kai dino tak apko paresan karti hai to ishka matlub hai ki apki immunity weak hai.
2.Thakan Hamesha Mehsoos Hona- Yadi apko hmesa hi thakan bani rehti hai,koi bhi kaam karne mein apko energy low feel hoti hai,Subeh se sham tak thakan bani rahti hai,bina kuch jada kaam kiye bhi apko thakan lagti hai to ye apki weak immunity ke lakshan ho sakte hai.
3.Chot Ka Dheere Dheere Theek Hona- Kai baar apko jab kisi prakar ki chot lag jaati hai to wo bhut jaldi nahi theek hoti,chhoti moti chot ko bhi bharne me kai din lag jate hai.Yadi aisa kuch ho raha hai to ye bhi lakshan hai ki apki weak immunity hai.
4.Digestion Theek Na Hona – Kai baar apki digestive problem bani rehti hai,baar baar pet kharab hota hai,gasaur acidity hmesa bani rahti hai to ye bhi ek immunity weak hone ka lakshan ho sakta hai.
5.Jaldi Infection Hona-jab aap dust ya thandi jagah par jye tub jaldi apkio infection hona bhi immunity weak hone ke lakshan hai.
6.Body Pain Hona- Kai baar apko hmesa sir dard ya body pain jaisa bana hi rehta hai ye bhi immunity weak ke lakshan ho sakte hai.
7.Bhook Kam Lagna – Kai baar apko bina kuch khaye hue bhi apko bhook hi nahi lagti hai aur khana khane ka man nahi karta hai,ye bhi weak immunity ke lakshan ho sakte hai.
8.Poor Sleep –Neend ki kami hona,neend na aana,baar baar neend toot jana bhi lakshan ho sakte hai.
9.Yadi apko chhoti chhoti bimari jaldi jaldi ho rahi hai to ye weak immunity ka lakshan ho sakta hai
Immunity Boost Karne Ke 100 % Natural Upay
1.Hamesha Balanced Diet Lein-Apki acchi diet hi apki immunity ka base hoti hai ishliye apko achhi balanced diet leni chahiye jaise-
- Hari Pattedar Sabjiyan jaise palak,methi,bathua
- sare fruits khay season ke jaise amla,orange,papaya,kiwi
- Protein rich diet lein jaise paneer,daal,soyabean
2.Proper Neend Lein-apko kam se kam 7se8 ghante ki regular neend leni chahiye ye bhut hi zaruri hai kyuki jab aap achhi neene lete ho to apki body aur mind fir se repair hota hai aur apki immunty strong bani rehti hai.Kam neend immunity ko directly weak karti hai.
3.Daily Halki Fulki Exercise Zaroor Karein-Yadi aap daily halki exercise karte ho jaise yoga,halki walking,ya body streching,ya anulom vilom to isse apka blood circulation bhut achha hota hai aur apki immunity bhi strong hoti hai.
4.Tulsi Aur Amle ka Sewan-Yadi aap daily Amla khate hai to ye vitamin C ka ek bahut hi achha source hota hai aur yadi aap tulsi ke patte khate ho to ye immunity booster aur infection fighter hota hai.Aap yadi ye daily khate hai to ye apki immunity boost karne me kafi faydemand hota hai.
5.Zyada se Zyada Paani Piyein-Yadi aap zyada se zyada paani peete hai to ye apki body ko hydrate rakhta hai,kam se kam din bhar me 3 se 4 litter pani peena chahiye taki aap ander se hydrate rahe.Jab aap zyada paani peete hai isse apko body ka toxins flush hota hai,Aur apki immunity bhi boost hoti hai kyuki hydration immunity ko active rakhta hai.
6.Junk Food Na Khayen-Kuch logon ki adat hoti wo bhut zyada junk food khana pasand karte hai wo bhi daily,ye apke body ke liye aur apki immunity ke liye nuksaandayak ho sakta hai.Processed aur fried,spicy,oily food apki immunity kop weak karte hai.
7.Zyada Sugar ko Avoid Karen –Zyada sugar ke item bhi apki immunity ko weak kar sakte hai aur ye apke liye harmful bhi ho sakta hai.
8.Stress kam Lay-Stress lene se apki immunity bhut jaldi prabhavit hoti hai ye apki immunity ko puri down karti hai,isliye stress lene se bachein,ishke liye aap deep breathing kar sakte hai light meditataion bhi kar sakte hai.Apne mood ko hmesa happy rakhe kisi baat ki zyada tension aur stress na lein.
Kuch Gharelu Upay Jo Apki Immunity Ko Boost Kar Sakte Hai
1.Herbal Drink – Herbal drink apki immunity ko badhane me bhut helpful ho sakti hai.Ishke liye aap Tulsi,Adrak,kaali Mirchi,aur long ka kadha bana sakte hai aur gunguna pee sakte hai,ye apki immunity boost karne me help karta hai.Winter mein ye apki body ki tasir ko garam rakhta hai.
2.Haldi Wala Dudh-Yadi aap daily raat me sone se pehle haldi wala dudh peete hai to ye apki immunity boost kar sakta hai,aap ishme thodi si kaali mirchi bhi mila sakte hai.
3. Adrak Wali Tea- Aap adrak wali tea pee sakte hai lekin ishme apko tea nahi milana hai ishme aap paani,adrak,meethe ke liye aap sahad ya halka gud daal sakte hai,ye apki immunity ko bhut achha karta hai.
4.Gud Aur Haldi Wala Kadha-Aap raat me haldi aur gudh wala kadha bhi bana kar pee sakte hai ye apki immunity ko boost karta hai.
Immunity Boost karne Ke Liye Inko Zaroor follow karein –
- Kisi bhi prakar ke nashe ki habit se door rahe jaise smoking,alcohol
- Hamesha clean hygiene maintain karein
- Regular health checkup karte rahen
- Stress se dur rahe
- Positive thinking rakhe
- Achhi lifestyle follow karein
Conclusion
Immunity boost karna koi bhi difficult kaam nahi hai,lekin ishko karne ke liye apko apni daily ki chhoti chhoti habits me changes karne hote hai.Ishke liye apko achhi healthy diet lena chahiye,dher sara pani dinbhar mein piyen,thodi exercise ya yoga bhi karen,stress se dur rahe,mood apna happy rakhe.Agar aap in cheejo ko follow karte hai to aap naturally apni immunity boost kar sakte hai.
FAQs
1.Konsa fruits immunity ke liye best hai ?
Immunity boost ke liye Amla,Orange,Kiwi aur papaya jaise fruits best hote hai.
2.Kya exercise karne se immunity badhti hai ?
Haan,yadi aap regular halki exercise karte ho to apka blood circulation improve hota hai aur ye apki immunity strong karta hai.
3.Immunity kitne din me boost hoti hai ?
Yadi aap regular good habits ko follow karte hai to 2 se 3 week me apko improvement mil sakta hai.
4.Kya kam paani peene se immunity weak hoti hai ?
Haan,kam pani peene se dehydration ki sikayat ho sakti hai aur isse apki puri body prabhavit hogi,ishliye din bhar prayapt matra me paani peena chahiye.
5.Kya daily walk karne se immunity strong hoti hai ?
Haan,daily yadi aap 10 minutes ki walk karte ho to apka blood circulation accha hoga aur immuinity bhi strong hogi.
6.Kya Immunity aur gut health ka aapas me sambandh hai ?
Haan,Kyuki apki immunity ek bada hissa pachan tantra se juda hota hai,ishliye healthy digestion immunity ke liye bhi zaroori hai.
7.Kya Zyada stress immunity ko weak bana sakta hai ?
Haan,Zyada stress lene se apki immunity weak ho sakti hai.
8.Kya immunity badhane ke liye suppliments lena zaroori hai ?
Nahi,har vyakti ko suppliments ki zarurat nahi hoti,agar aap healthy lifestyle follow karte hai to bina suppliments ke bhi apki immunity boost ho sakti hai.
9.Immunity kya hai ?
Immunity apki body ka security gaurd hai jo bahar ke bacteria,virus,aur infection se apkio body ko bachata hai.
10.Kya vitamin C Immunity ko badhata hai ?
Haan,Vitamin C,white blood cells ko support karta hai aur apki body ko bahar se aaye hue infection se ladne ki kshamta ko badhata hai.
11.Kya haldi wala duudh immunity ko badhata hai ?
Haan,haldi mein curcumin hota hai jishme anti-inflammatory aur antioxidant gun hote hai.
12.Kya Garlic Immunity ke liye achha hai ?
Haan,garlic mein anti-microbial properties hoti hai,ye apki immunity ko boost karta hai.
