Jab bhi hum koi kaam karte hai to hame thodi bhut thakan to hoti hi hai aur ye common hai,Lekin agar apko bina kaam kiye hi din bhar thakan mehsoos ho,Subhah uthne ke sath hi energy low feel ho,aur din bhar thakaan bani rahe,to ishko najarandaz nahi karna chahiye.
kai baar hum apne sharir par hone wale changes par dhyan nahi dete ye soch kar ki ye normal hai,par ye normal nahi hota ye apke sharir ko ek sanket ho sakta hai ki apke sharir ko vishesh dhyan dene ki zarurat hai.
Dinbhar Thakan Mehsoos Hone ka Kya Matlub Hai ?
Jab bhi hum koi kaam kare to kaam karne me man na lagna,sharir me urja ki kami rahna,pura sharir bhari sa lagna,chalne firne me bhut thak Jana,koi bhi kaam me dhyan na laga pana.Agar aisi samasya lagatar apke sharir me bani hui hai aur aap koi bhi kaam sahi tarike se nahi kar pa rahe hai to inka karan jaan na bhut hi zaruri hojata hai.
Janiye Har Samay Thakan Mehsoos Hone ke Kya Hai Mukhya Karan
1.Neend Puri Na Hona- Yadi aap puri neend nahi lete to mind fresh nahi rahta aur kaam karne me man nahi lagta.Neend sharir aur dimak dono ko aram dene ka kaam karti hai.Yadi aap daily 7 se 8 ghante ki neend nahi lete to apko thakan mehsoos ho sakti hai.
2.Paani Ki Kami –Yadi aap bhut kam pani peete hai to apko dehydration ki sikayat ho sakti hai aur yadi dehydration hai to apko thakaan bhi mehsoos ho sakti hai.Kam paani peene se energy level bhi kam ho sakta hai.
3.Zyada Stress Lena- Yadi aap koi na koi baat par aksar stress lete hai to ye bhi karan ho sakta hai thakan ka,kyuki mansik tanav bhi sharir ki urja ko prabhavit karta hai.
4.Poshak Tatvon Ki Kami-Yadi apki diet me poshak tatvo ki kami rahti hai to ye bhi thakan ke karan ban sakta hai kyuki Iron,vitamin B12,Vitamin D aur protein ki kami ke karan sharir me kamzori aur lagatar thakan bani rahti hai.Isliye hame apni diet me poshak tatvo ko zarur samil karna chahiye.
5.Sharirik Gatividhi Ki Kami – yadi aap din bhar zyada se zyada baithe rahte hai aur jada physical work nahi karte hai to ye bhi thakan ki samasya ko peda karta hai sharir ko fit oe energy se bhara rakhne ke liye kuch na kuch physical work hona zaruri hota hai.
6.Galat Cheeze Khana – Kai log sirf dinbhar junk food aur bahar ka food khana pasand karte hai na ki ghar ka taza khana.Jab aap bahar ka khana jada khate hai aur junk food ka zada sewan karte hai to to isse apko poshak tatva nahi milte aur jab hamari diet me poshak tatvo ki kami rahti hai to din bhar hame thakawat lag sakti hai.Ishliye hame bahar ke khane ko avoid karna chahiye.
7. koi Swasthya Ki Samasyaen ka hona- Yadi apko pehle se koi anya swasthya ki samasya hai jaise ki thyroid,Diabetes,Anemia to inke karan bhi din bhar sharir me energy ki kami mehsoos ho sakti hai.
Kya Karna Chahiye Yadi Apko Har Waqt Thakan Mehsoos Ho ?
1.Proper Neend Lein-Yadi aap daily 7 – 8 ghante ki proper neend lete hai to aapka dimak fresh rahega,aur apki body me fresh energy rahegi jisse apko thakan nahi lagegi.
2.Zyada Se Zyada Pani Piyen-Apko din bhar me 3 se 4 litter pani peena hai,paani peene se apki body hydrated rahegi,Aur body me energy bani rahegi.
3.Achha Khana Khaye-Ghar ka bana taza khana khaye jisme bharpoor matra me phal,sabjiyan,daal,salad,paneer,soyabean jaisi cheeje samil ho.
4.Daily Kuch Physical Work karen – Aap ghar parkhali bethne ki vjaye aap apni daily ke routine me kuch halka fulka physical work karen,aap daily kuch yoga ya 10 minutes ki walk bhi kar sakte hai.Isse apko dinbhar energy feel hogi.
5.Stress Ko Kam Karne ki Kosish Kare – Kai baar zyada tanav hi hamari energy ko nash karta karta hai hame ye kosish karni chahiye ki jada se jada khus rahe aur tanav na lein.
Kya Kabhi Aapne Socha Hai Subah Uthte Hi Thakan Kyu Mehsoos Hoti Hai ?
Aksar log aisa sochte hai ki poori raat saone ke baad bhi thakawat kyu lagti hai,kyu hame energy down lagti hai jabki wo raat me sote hai par din mein uthne ke baad kamzori mehsoos hoti hai ishke peeche yahi karan hai ki aaj kal late night tak log jaagte hai,late night mobile chalate hai,din bhar stress me rahte hai to raat mein bhi neend ki quality achhi nahi hoti.
Ishke alwa yadi sharir mein Vitamin D,Vitamin B12 Ya iron ki kami bhi subhah ki thakan ka karan ban sakti hai.Yadi yahi samasya apko lagatar bani rahti hai to apko doctor se zarur salah leni chahiye,aur ishko normal samajh kar ignore nahi karna chahiye.
Mahilaon Mein Zyada Thakan Ke Kya karan Hai ?
Mahilaon me aksar dekha gaya hai ki unhe zyada thakan lagti hai ishke peeche bhi kai karan ho sakte hai jaise-
- Periods ke time par zyada bleeding hone se iron ki kami ho jati hai.
- Pregnency me body ko zyada energy ki zarurat hoti hai,to thakan normal hai.
- Ghar ki Zimmedari,bachhon ki care aur kaam.
- Santulit Ahar na lena.
- Stress zyada lena.
- Apni khud ke liye time na nikalna.
- Poori neend na lena.
Kya Jaise Jaise Age Hoti hai Wese Wese Thakan Badh Sakti Hai ?
Haan,jaise jaise hamari umar badhti hai wese wese sharir mein bhi kai prakar ke changes hote hai,aur hamari body ki kaam karne ki kshamta bhi kam ho jati hai.Energy na hone ke karan zyada thakan mehsoos hoti hai.Raat me neend bhi na aane ke karan din me energy ki kami aur thakan zyada mehsoos ho sakti hai.
Conclusion
Hamari sharir ko active rakhne ke liye energy ki zarurat hoti hai aur energy ke liye hame apni puri life routine ko dhyan rakhna chahiye,kyuki ishke peeche kai karan hote hai jaise neend ki kami,posan tatvon ki kami,Blood ki kami,achhe ahar ki kami,aur kuch swasthya samasyayen.Yadi samay par karan ko jaan kar thodi care aur lifestyle mein badlav kiya jaye to samay rahte hi aap ek achhi jeewanshaili apna sakte hai,aur energy ki kami ko kafi had tak dur kar sakte hai lekin hame niyam se chalne ki bhut awasayakta ha.Ek achhi life routine set karke aap din bhar energy se bhare reh sakte hai aur ek healthy life bita sakte hai.
FAQs
1.Dinbhar thakan mehsoos hona kya kisi bimari ka sanket ho sakta hai ?
Haan,Yadi apko lagatar thakan mehsoos ho to ye thyroid,anemia,ya diabetes ki swasthya samsya ka sanket ho sakti hai.
2.Kya Vitamins ki kami se thakan hoti hai ?
Haan,vitamin D ki kami se thakan aur kami mehsoos ho sakti hai,maanspeshiyon me dard bhi ho sakta hai.
3.Kya neend puri na hone se thakan hoti hai ?
Haan,neend puri na hone se thakan ho sakti hai kyuki ek achhi neend se hum din bhar energy se bhara mehsoos karte hai.Neend ka connection hamari energy aur dimak se hota hai.
4.Kya late night mobile chalane se thakan ho sakti hai ?
Haan,zyada mobile dekhne se aur late night mobile chalane se thakan ho sakti hai kyuki apko kam se 7 se 8 ghante ki poori neend lena zaruri hai apke sharir aur energy ke liy nahi to thakan lagti hai.
5.Kya kam paani peene se bhi thakan hoti hai ?
Haan,kam paani peene se dehydration ki sikayat hoti hai,aur ishke karan kaam karne ki kshamta par padhta hai.
6.Kya Iron ki kami se thakan Lag sakti hai ?
Haan,iron ki kami se hemoglobin kam ho sakta hai jishke karan body me proper oxygen nahi mil pata aur energy down ho sakti hai.
7.Kya mansik tanav bhi thakan ka karan ban saklta hai ?
Haan,mansik tanav aur chinta sharir aur dimaag dono ko prabhavit karte hain.Aur ishi karan thakan hoti hai.
8.Doctor ko kab check karwana chahiye ?
Yadi,lagatar apko din bhar thakan mehsoos hoti hai aur koi bhi kaam karne me sharir me bhari pan lagta hai to ishko aap nazarandaaz na karen aur doctor se sampark kare.
9.Kya bhut adhik tea aur coffee peene se thakan ho sakti hai ?
Haan,bahut adhik matra mein tea aur coffee lene se thakan mehsoos ho sakti hai kyuki isse apki neend prabhavit ho sakti hai neene se sharir ki urja prabhavit ho sakti hai.
10.Kya thakan aur kamzori ek hi cheez hai ?
Nahi, dono alag hai thakan mein energy ki kami ka ehsas hota hai jabki kamzori mein sharirik takat bhi kam mehsoos hoti hai.
11.Kya Kharab diet se energy kam rahti hai?
Haan,yadi hamari diet santulit na ho ushme iron,vitamin aur protein jaise posak tatvon ki kami ho to energy ki kami ho sakti hai ishliye hmae achhi diet leni chahiye.
12.Kya bahut adhik sone se bhi energy down hoti hai ?
Haan,Bahut adhik sone se susti ho sakti hai aur susti ke karan energy down lag sakti hai.
13.Kya breakfast na karne se bhi thakan hoti hai ?
Haan, ek achha breakfast apko din bhar sharir me energy bana ke rakhta hai,breakfast skip karne se energy down ho sakti hai.
14. Kya energy drink se energy milti hai ?
Haan,par ye kuch der ke liye hi rahti hai.
15. Kya har waqt thakan mesoos hone ke karan B12 Ki kami ho sakta hai ?
Haan,B12 ki kami ke karan sharir me thakan aur kamzori mehsoos ho sakti hai.
