Introduction– Aaj ke samay mein mobile hum sab ke jeevan ka ek bhut hi important hissa ban gaya hai.Aaj kal har vyakti ke pas mobile hona ek bhut hi aam baat ho gyi hai.
kuch log apne din ki shuruaat mobile se hi karte hai or raat me sone se pahle tak mobile hi dekhte hai.
mobile hum sabki aadaton me ish kadar samil ho gaya hai ki hum bina mobile ke ek kami si mehsus karte hai.
Mobile ka asar hum sabki life mein itna zyada hai ki kuch log to khane ke time par bhi mobile ko samne rakh kar, dekh kar khana khate hai,fir chahe bacche ho,budhe ho ya ho jawaan.
Social media scroll karna,vedios dekhna,chatting karna ya web series dekhte hue khana khana aaj kal bilkul aam ho gaya hai.
Lekin Kya aap jaante hai ki mobile chalate chalate khana khana apki sehat par bhut bura asar daal sakta hai ? Ye aadat dheere dheere kai health problems ki wajah bhi ban sakti hai.
Is article ke madhyam se hum yahi janenge ki mobile dekhte hue khana khane ke kya nukasan ho sakte hai,aur sehat par ishka kya asar padh sakta hai,aur ish aadat ko kaise sudhara ja sakta hai.
Kya Kabhi Aapne Socha Hai Ki Mobile Chalte Hue Khana Khana Kyon Ban Gaya hai Aadat ?
Aaj kal mobile logon ke liye ek bhut hi zaruri object banta ja raha hai,aaj kal log khana khate waqt khud ko busy rakhna pasand karte hai.Kuch logon ka ye bhi sochna hota hai ki khane ke sath mobile dekhne se wo apne khane ko or bhi zyada enjoy karte hai.
Mobile dekhne Ke Peechhe kuch Aur Karan Bhi Ho sakte Hai Jaise–
- Social media ki aadat hona.
- Reels or vedio dekhne ki aadat hona.
- Office ke kam hona.
- Online meeting hona.
- Mobile ke sath khana khane ki aadat hona.
- Har samay phone check karne ki aadat hona.
Lekin hum ye bhul jate hai ki ye jo chhoti chhoti mobile ki aadat hai ye hi ek din unhealthy routine me badal sakti hai.
Mobile Chalate Hue Khana Khane Se Kai Nuksan Ho Sakte hai Jaise-
1.Ek Mindful Eating Ki Aadat Khatam Ho Sakti Hai-Mindful eating ka matlub hai pura dhyan khane par dena,lekin jab aap mobile use karte hai aur sath hi khana bhi khate hai tub aapka pura dhyan khane par nhi hota aadha dimak mobile mein rahta hai or aadha dimak khane par jis karan bhook aur pet bharne ka signal samajna muskil ho sakta hai.
2. Aankhon Par Bhi Ho Sakta Hai Bura Asar-Din bhar mobile chalana aur khane ke waqt bhi mobile chalane ki aadat se apki aankhon par bhi bura asar ho sakta hai.Najre kamjor ho sakti hai.Eyes mein jalan bhi ho sakti,aur eyes lal bhi ho sakti hai.
3.Motape Ka Khatra Badh Sakta Hai-Agar daily mobile dekhte hue khana khaya jaye to overeating ke zyada chances hote hai jis karan apka motapa bhi badh sakta hai or apke liye ye harmful bhi ho sakta hai, Kyuki-
- Extra calories body mein jama ho sakti hai
- weight apka tezi se gain ho sakta hai
- Motapa ka risk badh sakta hai.
4. Digestion Par Padh Sakt Hai Asar– Jab aap khana khate hue mobile chalate hai tub pura dhyan khane par nhi hota hai apka dhyan bata hua hota hai jishke karan-
- Khana aap jaldi jaldi khate hai
- Khane ko aap achhi tarah se chabate nhi hai
- Ish karan apki pachan prakriya par bura asar padh sakta hai.
Ek acche digestion ke liy bhut hi zaruri hai ki aram se or dhyan se khana khaya jaye.
Kya Bachchon Ke Liye Bhi Mobile dikha kar khana khilana Nuksandayak Ho Sakta Hai ?
Haan,Bachchon ke liy bhi khane ke sath mobile dekhne ki aadat sahi nahi hoti Isse samasya ho sakti hai jaise-
- Unki physical activity kam ho sakti hai
- Screen addiction badh sakta hai
- Khane ki adat bigadh sakti hai.
- Dhyan bhi kam ho sakta hai
- Khana bhi Kam Kha sakte hai.
Mobile Dekhte Hue Khana Khane Se Kaise Bachen ?
- Khana Khate Waqt Mobile Phone Dur Rakhe- Aap kosis kare ki jab bhi aap khana khaye tub mobile phone apne se dur rakhe taki apka dhyan pura khane par rahe.
- Family Ke Sath Khana Khaye-Family ke sath khane khane se screen ka use bhi kam ho sakta hai aur family se bhi baat karne ka time mil sakta hai.
- Khane Par Dhuan De-Khane ke taste or texture ko mehsus karne ki aadat dale.
- Dheere Dheere Khana khaye-Khana dheere dheere khayein ,aram se khana khane se apki sehat bhi achhi rahti hai.
- Meal Time Ko Screen Free Banayein-Meal time par screen ka use karne se apne aap ko bachayein,ishke liye aap ek rule set karein aur follow karein ki “No Mobile During Meals”.
Kya Kabhi- Kabhi Mobile Dekhte Hue Khana Khana Theek Hai ?
Wese to mobile ko khane ke time par bilkul bhi use na karna hi better hota hai,par practically ye sambhav nhi kyuki kabhi kabhi aise kuch kaam ya jankari aajati hai jise apko tatkal hi dekhna hota hai,par yadi mobile ke sath khane khane ki aadat roj hi ban jaye to ye bhut hi nuksandayak ho sakta hai.
Kuch Healthy Eating Habits Tips Wo Bhi Bina Mobile Ke
- Khana hmesa hi aaram se khaye na ki jaldbaji mein.
- Mobile or TV se distance bana kar khana khane ki habit banaye.
- Pani bhi sahi matra me piyein.
- Ek Healthy Diet Follow karein.
Mobile Ke Bina Khana Khane Ke Faydey –
- Aap apne khane ke taste ko jada feel kar pate ho.
- apka digestion healthy rahta hai kyuki aap khana aram se khate hai.
- Overeating jaisi problem nahi hoti hai.
- Family members ko time de pate ho unki baato ko sun paate ho.
- Apka mind fresh rah sakta hai.
- Aram se khana khane se apki body bhi fit rahti hai.
Aap Khane Ke Time Par Mobile Dekhne Ki Bajaye Ye kar sakte hai-
- Apni family se baat karen unko time de.
- Din bhar apka din kaise raha wo discuss kar sakte hai.
- Aaram se khane ka maja utha sakte hai.
- Khane ke taste ko aur jada feel kar sakte hai.
Conclusion
Hum sabke liye aaj ke samaye me mobile ham sub ki zarurat ban gaya hai,lekin har cheej jab ek limit se use ki jaye to ushka kabhi koi side effects nahi hota hai.Jada samay tak screen se jude rahne apki sehat ke liye bhut hi harmful ho sakta hai.hum ye baat bhul jate hai ki mobile chalate chalate khana khane ki aadat dekhne mein to chhoti lagti hai par ye badi samasya ka bhi karan ban sakti hai jaise- Overeating,lack of sleep,Poor Digestion,poor eye sight,Unhealthy routine. Hame khana khate waqt apna pura dhyan khane par dena chahiye na ki mobile par.Yadi hum daily prayas kare to hum bina mobile ke bhi khane ko enjoy kar payengey.
FAQs
- Kya mobile chalate hue khana khana health ke liy kharab hai ?
Haan,Khana ke sath mobile dekhna sehat par bura effect daal sakta hai aur aap ishke karan overeating bhi kar sakte hai jo sahi nahi hai.
2.Kya mobile chalate hue khana khane se weight badh sakta hai ?
Haan,jab hum mobile dekhte hue khana khate hai tub humhara dhyan bhi bata hua hota hai,aur agar zyada mobile dekhte dekhte zyada khana khane ki aadat ban jaye to apka weight bhi gain ho sakta hai.
3. Kya Bachchon Ko khana khate waqt mobile dekhna chahiye ?
nahi,bachchon ko bhi khana khate waqt mobile dekhne ki aadat nhi lagani chahiye ye unke liye unhealthy ho sakta hai.
4. Khana khate waqt mobile se kaise bachen ?
Mobile ko aap khane khate waqt apni table se dur rakhe, no mobile during meals ,ye rule follow karein.
5. Kya mobile dekhte hue khana khane se digestion kharab ho sakta hai ?
Haan,khane ke time yadi mobile paas hota hai to aap khana jaldi khate hai or apka dhyan mobile me zyada hota hai jis karan apka digestion bhi prabhavit ho sakta hai.
6.Kya kabhi -kabhi khana khate waqt mobile dekha ja sakta hai ?
Kabhi- kabhi aisa ho hi jata hai par yadi roj ye aadat ban jye to ye apke liye aur sehat ke liye sahi nahi hoga.
7. Khana khate waqt mobile kitni dur rakhna chahiye ?
Aap mobile aisi jagah rakhe jaha se aap aasani se mobile na utha paye,khane ki table se dur rakhein.
8.Kya khana khate waqt mobile dekhne se khane ka taste kam mehsus ho sakta hai ?
Haan,kyuki hamara dhyan khane par kam aur mobile par jada hota hai aur hum taste ko feel hi nahi karte bus jaldi jaldi khate hai.
9.Kya meal time screen free hona zaruri hai ?
Haan,meal time jab screen free hota hai tub hum kewal apna khana enjoy karte hai or family ko time de paate hai.
10. Kya yadi aap office me lunch karte hai tub mobile dekhna Zaruri Hai ?
Nahi, office me lunch karte waqt mobile dekhna zaruri nahi hota hai,Kai log kaam ke stress ke karan dekhte hai par kosis kare ki mobile lunch ke time par na dekhe,Isse aap khane par zyada dhyan de payengey.
