Garmi Ka mousam aate hai log pasine aur tapti dhup se paresan hone lagte hai. Garmi ke karan thakan aur chipchipa pan bhut hi kharab lagta hai.Lekin jab lagatar bhut hi tez garmi padhti hai aur tapmaan bhut upar chala jata hai,to use HEATWAVE kaha jata hai. Heatwave yahi bhut tej garmi.Kya aap jante hai heatwave hamare health ke liye bhi bhut khatarnak ho sakti hai.
Agar aap bhi ish garmi se bhut jada pareshan hai, aapko bhi thakan,bechaini,sir dard aur chakkar mehsus hota hai to aapko heatwave ke baare me puri jaankari honi chahiye.
HEATWAVE Kya Hoti Hai-
HEATWAVE ek garmi ki aisi sthiti hoti hai jab kisi area ka taapmaan normal taapmaan se bhut hi zyada badh jata hai aur yahi condition bhut dino tak lagatar bani rahti hai,Tub ye koi normal garmi nahi balki ye aisi tez aur lagatar garmi hoti hai jo apke pure sharir,aur sehat ko buri tarah prabhavit kar sakti hai.
Kya aap jaante hai heatwave ke dauraan sharir ko thanda rakhna muskil ho sakta hai aur dehydration jaisi problem ho sakti hai.
Heatwave sirf zyada garmi ka naam nahi hai,balki yeh ek aisi sthithi hai jo sharir ki normal kaam karne ki prakriya ko prabhavit kar sakti hai.
Heatwave Ke Kya Kya Lakshan Hai ?
- Sharir Me Bhut Tez Paseena Aana- Jab heatwave yani garmi bhut tez hoti hai tab hamara sharir khud ko thanda karne ke liye paseena nikalta hai.
- Bhut Pyas Lagna– Baar baar pyas lagna aur paani peene ki ichha hona bhi tez garmi ka sanket hai.
- Chakkar Jaisa Aana-Tez heatwave hone ke karan sir dard aur dehydration ki sikayat ho sakti hai.
- Thakan Lagna- Heatwave ke karan bhut zyada thakan mehsus hoti hai.
- Bechaini Hona-Garmi Ke karan bhut hi zyada bechaini ho sakti hai.
Heatwave Se Sabse Zyada Kin Logon Ko Khatra Hota Hai ?
Waise to heatwave sabhi par asar kar sakti hai par kuch logon par ishka zyada asar ho sakta hai jaise-
- Chhote bachchon par
- Buzurg Logon par
- Pregnant lady par
- Bahar kaam karne wale log par
- Pani kam peene wale log par.
- Bimar vyakti par.
Heatwave Se Apne aap Ko Kaise Bachayen
1.Din Bhar Zyada Se Zyada Paani Piyen- Garmi mein apni body ko hydrate rakhne ke liy din bhar zyada se zyada paani peena chahiye.
2.Bahar Nikalte Samay Sir Cover Karke Nikle-Jab aap garmi mein ghar se bahar nikle tub aap ye prayas karein ki apne sir ko aap cotton cloth se cover karke nikle taki heatwave se direct contact mein na aa paye.
3.Dophar Ki Tez Dhup Se Bachen-Dhophar ke samay ghar se bahar nikalne se bachen,kosis kare ki tez dhup hone se pahle aap bahar ke kamo ko nipta lein.
4.Cotton Ke Halke Kapde Pahnen- Garmi mein zyada se zyada cotton ke kapdo ka use kare kyuki cotton ke kapde sharir ko thoda aram pahunchate hain.
5.Ghar Ko Thanda Rakhe- Ghar par direct yadi heat aati ho to parde laga kar ya green net laga kar us area ko cover karde taki direct heatwave andar na aa sake.
Heatwave Me Kya-Kya Khana Chahiye ?
Heatwave se apne aap ko safe rakhne ke liy apko aisi cheeje khana chahiye jo apko zyada hydrate rakhen jaise-
- Kheera
- Tarbooj
- Nariyal ka paani
- Dahi
- Nimbu ka paani
- Lassi
- Matha
- Ghar ka halka khana
Heatwave Se Bachne Ke Liye Kya Kya Nahi Karna Chahiyen
Yadi aap apne aap ko heatwave se bachana chahten hai to ye kaam na kare-
- Zyada oily khana aur masaledar khana na khayen.
- Paani kam na piyen.
- Khali Pet bahar na jaye,chakkar aa sakta hai.
- Tez dhup mein zyada na rahe.
- Bhut zyada garam cheejein na khaye.
Heatwave Se Ho Sakti Hai 4 Gambheer Samasya
Bheesad Garmi Aur Heatwave Apke sharir ke liye gambheer khatra bhi ban sakta hai kyuki lambe samay tak tez garmi mein rahne se dehydration,Heatstroke,kidney damage, aur saans se judi samasya ka khatra badh sakta hai.Apki skin,kidney aur dimak tak par asar ho sakta hai.
- Heat Rash: Skin Par Lal Daane Aur Jalan hona- Heat rash ya ye kah sakte hai garmi mein hone waki ghamoriyan garmi me jyada paseena aane se hoti hai.Paseena twacha mein fasne aur sweat glands block hone par lal dane,khujli,jalan aur chubhan mehsus ho sakti hai.Ye garden,peeth,underarms,aur jangho mein jyada dikhta hai. Chhote bachchon me aur bujurgo mein ishka khatra zyada hota hai.dheele cotton ke kapde pahanne aur sharir ko sukha rakhne se rahat mil sakti hai.
2.Heat Cramps: Mashpesiyon Me Aithan Ya Dard Hona-Heat cramps yani garmi ki bajah se mashpesiyon me hone wali dardnak aithan. Ye tub hota hai jab garmi mein Zyada paseena aane se sharir me pani aur jaruri minerals jaise sodium,pottasium ki kami ho jati hai. Isse pairon,hathon,Pet ya kandho ki mashpeshiyon me achanak khichav aur dard mehsus hota hai,aisi stithi me turant thandi jagah par jayein.
3.Heat Exhaustion:Sharir Se Zyada Garam Hona- Heat exhaustion yani sharir ka jarurat se zyada garam ho jana,Ishme zyada paseena aana,kamjori,chakkar,ser dard, mitli,mashpeshiyon me aithan,aur dil ki dhadkan tez hona jaise lakshan dikh sakte hai.agar samay par aram aur paani na mile,to ye heatstroke jaise jaanlewa stithi me badal jati sakta hai.ishke liye turant thandi jagha par jayein,aur sharir ko thanda rakhe.
4. Heat stroke: Bahut Tez Bukhar Va Kamjori Mehsus Hona-heat stroke yani body ka temprature bhut zyada badh jana aur sharir khud ko thanda na kar sake.Ishme sharir ka temprature 40 degree celcius ya usse zyada pahuch sakta hai.Ishke lakshano me tez bukhar,kamjori,heartbeat ka tez hona,ulti,behoshi,aur twacha ka bahut garm ho jana shamil hai.yadi samay par ilaz nahi mile to ye dimak,dil aur kidney ko nukshan pahucha saakta hai,aur jaanlewa bhi ho sakta hai.
Heatwave Ke Dauran Apni Daily Routine Kaisa Rakhe
1.Subha Jaldi Kam Niptane Ki Koshish karein-Agar aap morning walk ya bahar market ka kam karte hai to koshish karein ki subah ya sham ka time chun sakte hai,kyuki dophar mein Bhut zyada tez dhup hoti hai,aur heatwave se bachne ke liye ye helpful ho sakta hai.
2.Hamesha Paani Ki Bottle Apne Sath Raklhe-Ghar se bahar nikalte waqt apne sath ek paani ki bottle jarur rakhe,pyash lagne par ye apko help kar sakti hai.
3.Mobile Ya Zyada Screen Time Se Bachein– Garmi ke time apne aap ko zyada screen time dene se bachein kyuky zyada screen time se thakan,aur aankhon me jalan mehsus ho sakti hai.
4. Din Mein Parde Laga Kar Rakhe-Din mein jab zyada dhup aane lage tub parde laga kar rakhe taki seedhe dhoop andar na aa sake.
5. Zarurat Na Ho To Extra Electrical Appliances Band Rakhein-Garmi me zyada electrical appliances ka use na kare ye bhi zyada garmi mehsus karwa sakte hai.
Heatwave Ke Dauran Emergency Situation Me Kya Karein ?
Heatwave ke dauran yadi apko bhut tez chakkar aaye,behoshi jaisa lage,saans lene dikkat ho,ya bhut zyada kamzori mehsoos ho to turant thandi jagah par baithe,aur zarurat padne par medical help lein.
Conclusion
Heatwave se apki pareshani badh sakti hai ishliye heatwave ko halka na samjhe,kyuki bhut tez garmi apke sharir ko prabhavit kar sakti hai.Kuch chhoti aadatein jaise paani peete rahna,bhar nikalne par paani ki bottle sath rakhna,Ghar ke bahar ke kaam subha jaldi niptana,aur dhup se bachna,khan-paan sahi rakhna.In sab baaton ka dhyan rakh kar aap apne aap ko heatwave se kafi had tak bacha sakte hain.
FAQs
1.Heatwave Kya Hoti Hai ?
Heatwave bhut jyada aur lagatar tez badhte hue tempreture ki ek stithi hai.
2.Heatwave mein sabse zyada kya peena chahiye ?
Hydration dene wali drinks jaise neembu pani,nariyal paani jada better hai.
3.Heatwave mein konsa fruits khana chahiye ?
Heatwave ke time par aap aise fruits khayein jo apko hydrate rakhe jaise kheera,tarbuja,kakdi jaise fruits ko zyada lein.
4.Kya heatwave chhote bachchon ko zyada prabhavit kar sakti hai ?
Haan,Bachchon ko heatwave ki chapet mein aane se bachaye.
5.Heatwave se bachne ka sabse aasan tareeka kya hai ?
Sabse asan treeka hai ki zyada se zyada pani ka intake body mein hona chahiye.
6. Kya heatwave aur normal garmi me koi farq hota hai ?
Haan,normal garmi thode samay ke liye hoti hai jabki heatwave mein kai dino tak temprature bhut zyada high rahta hai.
7.Kya raat mein bhi heatwave ka asar rah sakta hai ?
Haan,kai baar raat mein bhi heatwave ka asar rah sakta hai aur jiske karan apki aram ki neend bhi prabhavit ho sakti hai.
8. Heatwave se bachne ke liye konse kapde pahnein ?
Heatwave se bachne ke liye aap cotton ke loose kapde pahnein jo garmi mein zyada comfartable hote hai.
9.Kya heatwave aur Loo Ek hi hai ?
Nahi ,Heatwave bhut zyada garmi ki lagatar bani hui ek sthiti hai jabki Loo us garmi mein bhut tez chalne wali garam hawa hai.Bhut se log heatwave ko hi loo samajhte hai par dono alag -alag hoti hai.
10. kya heatwave se bachne ke liye Jeb mein pyaz rakhna chahiye ?
Ye bhut se logon ka maana hai ki jeb mein pyaz rakhne se loo ya heatwave se bachav ho jayega,lekin aisa nahi hai ish baat ko proof karne ke liye koi scientific evidence nahi hai.Pyaz khane se kuch poshak tatva aur paani mil sakta hai,lekin heatwave ya loo se bachav nahi.
