Aaj kal logon mein khun ki kani ho rahi hai kyu ki tez raftaar wali life mein kai log har waqt,apne sharir mein Thakan,Kamzori,chakkar aan Ya saans Phoolne jaise pareshaniyon ka saamna karte hai.
kai baar log in lakshanon ko normal samajh kar ignore kar dete hai,Lekin kya aap jante hai ye jo sharir mein dikhne wale lakshan hai ye khun ki kami yani Anemia ke sanket bhi ho sakte hain.
Hamari body mein jab hemoglobin ya red blood cells ki paryapt matra ki kami ho jati hai tab sharir ke alag alag parts mein sahi matra mein oxygen nahi pahuch pati.Yahi se ANEMIA ki shuruaat hoti hai jab sharir me rakt yani ki khun ki kami hoti hai.
Aaiye ish article ,mein hum jante hai ki khun ki kami kyu hoti hai,ishkke kya karan hai,ishke kya-kya lakshan hai,aur isse bachne ke liye hame kya karna chahiye.
Sharir Mein Khun Ki Kami Kaise Ho Jati Hai ?
Khun ki kami ya anemia ek aisi sthiti hai jishme hamare sharir mein hemoglobin ka level normal se kam ho jata hai.Ab apke man mein ye ayega ki hemoglobin kya hai ? To hemoglobin ek protein hota hai Jo ki red blood cells ke andar paya jata hai aur ye hamare sharir mein oxygen pahuchane ka kam karta hai.
Jab hemoglobin kam ho jata hai,tub hamari body ko bhi pura oxygen nahi mil pata hai aur tub vyakti ko thakan aur kamzori mehsoos hone lagti hai.
Khun Ki Kami Ke Shuruaati Lakshan Kya Hai ?
Khun Ki kami ke kuch Lakshan aise ho sakte hai jaise-
1.Har Waqt Sharir Mein Thakan Rehna-Agar apki body me hamesa thakan aur kamjori bani rahti hai.Aap thoda sa hi kaam karke jaldi thak jate hai,ya apko bina koi kaam kiye bhi hmesa thakan si mehsoos hoti hai,To ye khun ki kami ka sanket ho sakta hai.
2.Chakkar Jaisa Aana- Apko halka chalne mein ya thoda sa kaam karne mein chakkar jaisa aane lagta hai to ye bhi khun ki kami ke sanket ho sakta hai.
3.Saans Ka Jaldi Phoolna- Jab aap thoda sa kaam karte hai aur thode kaam karte hi yadi apki saans phoolne lagti hai to ye bhi sharir mein khun ki kami ke sanket ho sakte hai.
4.Sir Mein Dard Rehna – Sir me halka halka dard aur bharipan bana rahta hai to ye bhi khun ki kami ke sanket ho sakte hain.
5.Chehre Ka Pila Dikhna- Yadi apko aise mehsus ho ki apki cehhra ya aankhon ke neeche peela pan ya feeka pan dikh raha hai to ho sakta hai ye bhi apke sharir mein khun ki kami ke sanket ho.
6.Haath Pair Thande rehna- Kuch logon ke hath aur per hamesa hi thande rehte hai ye bhi blood ki kami ka sanket ho sakta hai.
Sharir Mein Khun Ki Kami Ke Peechhey Kya Karan Hai ?
Khun ki kami ke kai karan ho sakte hai jaise-
1.Body Mein Iron Ki Kami- Sharir me IRON ki kami Sabse aam karan mana jata hai.Sharir me yadi iron ki kami hai to khun ki kami hogi .
2.Poshak Tatvan Ki Kami- Yadi apke sharir mePoshak tatvon ki kami hai jaise B12 aur FOLIC ACID ki kami bhi hai to ye khun ki kami ka karan ban sakti hai.
3.Galat Khane Ki Aadatein-Agar apki diet sahi nahi rahti hai aur apki diet me poshak tatvon ki kami rehti hai to ye bhi apke sharir mein khun ki kami ka karan ho sakta hai.
4.Health Condition Sahi na Rehna- Yadi apki health condition sahi nahi rehti hai to ye bhi khun ki kami ka karan ban sakta hai.
5.Adhik Khun Ka Behna- Kuch condition mein sharir se jada khun nikalna bhi anemia ka karan ho sakta hai.
Khun Ki Kami Mein Kya Khana Chahiye ?
Yadi apke sharir mein khun ki kami ho gayi hai to aap in chhejo ko apni diet me samil karein apko jarur aram milega-
1.Chakundar-Chakundar to aksar khun badahne wala ek main fal mana jata hai kyuki chakundar mein kai prakar ke poshak tatva aur antioxidanta hote hai jo healthy diet ka hissa ban sakte hai.Ye apke sharir me rakt bhut tezi se badhane me helpful ho sakta hai.
Aap chakundar ko Kaise Khaye ?
- Salad ke roop me
- juice ke roop me
- sandwithch ke roop me.
- Roti banate waqt aatein me guth kar roti puri bna kar kha sakte hai.
- Sabji bhi bna sakte hai
Ek Baat Dhyan Dein-Chakundar koi raambaan nahi hai jo turant hi apke sharir ka khun badha dega lekin ye apki ek balanced diet ka hissa ho sakta hai.
2.Anar – Anar me vitamis aur minerals bharpur matra me payein jate hai isliye kai log anar ko apni diet me shamil karte hai.Anar ko aap seedha daane nikal kar kha sakte hai,juice bna kar pee sakte hai,ya salad bna kar bhi kha sakte hai.
3.Gud Aur Bhuna Chana – Gud aur bhuna hua chana ka mix kaafi log pasand karte hai,chana to protein aur Iron ka rich source bhi mana jata hai. Ise aap snacks ke roop me kha sakte hai.Lekin ye baat bhi dhyan rakhni chahiye ki gud me sugar bhi hoti hai ishliye adhik matra me khane se ye sugar level ko badha sakti hai.
4.Dry Fruits- kuch aise dry fruits bhi hai jaise kishmish,munakka,aur khajur.inko aap bhigo kar funne ke baad kha sakte hai,Ya dudh ke sath bhi kha sakte hai.
5.Vitamin C Wali Cheezein- Aap vitamin C wali cheezon ka sewan kar sakte hai ye iron ko absorb karne me madad kar sakti hai.Ishliye Iron wali cheezon ke sath vitamin C wali Cheezein Lena kafi helpful ho sakta hai.
Vitamin C Ke Liye Ye Khaye-
- Santra
- Nimbu
- Amla
- Mausammi
6. Hare Pattedar Sabziyan- Hare pattedar sabziyan lena zyada helpful ho sakta hai inme aap palak,methi,bathua aur sarson ka saag lein sakte hai hai inme poshak tatvon ki bharpur matra hoti hai.Inme kai nutrients payein jate hai jo sharir ko support karte hai.
Khun Ki Kami Se Bachav Ke Aasan Tarike-
1.Santulit Aur Healthy Diet Lein-Zyada se zyada aap santulit aahar lein aur ek healthy diet ko follow karein.
2.Hari Sabziyan Aur Fruits Khaen- Apni daily ki diet mein zyada se zyada hare pattedar sabjiyon aur fruits ka use kare,kyuki inme jada poshak tatva hote hai aur ye hamare sharir ke liye bhi bhut faydemand hota hai.
3.Bahar ka junk Food Na Khaye-Aaj kal log zyada junk food khana pasand karte hai lekin yadi junk food daily khaya jaye to hamari sehat par bura asar daal sakta hai.Hame ho sake to bilkul bhi junk food nahi khana chahiye.
4. Zyada Se Zyada Paani Piyein-Hame apne aap ko hydrate rakhne ke liye din bhar me zyada se zyada pani peena chahiye.
5.Regular Health Checkup Karvaye- Hame beech- beech mein apna health checkup karvate rehna chahiye taki koi bhi chhoti samasya aangey chalkar bada roop na le payein.
Khun Ki Kami Hone Par Kya chai aur Coffee kam karni chahiye ?
Kuch log khane ke turant baad chai ya Coffee peete hai jishke karan,ye iron absoration ko prabhavit kar sakta hai.Ish karan hame chai aur coffee kam ya fir na ke barabar leni chahiye.
Conclusion-
Aajkal khun ki kami ek common samasya banti ja rahi hai.Lekin ishe najarandaz karna bilkul sahi nahi hai. Yadi hamare sharir mein kuch chhote chhote lakshan bhi dikhte hai to hame unhe bina ignore kare pehle dr.ki salah leni chahiye.Samay par lakshanon ko pehchan kar healthy diet aur sahi dekhbhal se ish se bacha ja sakta hai.
FAQS–
- Kya khun ki kami se thakaan hoti hai ?
Haan khun ki kami ke karan din bhar thakan lag sakti hai.Anemia me thakan ek aam lakshan ho sakta hai.
2. Khun Ki Kami Mein hume konsa fal khana chahiye ?
Khun ki yadi kami ho jaye to hume nariyal pani,seb.kharbuja aur anar jaise fal khana zyada theek ho sakta hai.Yadi samasya badi lagti ho to Dr.se consult karna theek mana jata hai.
3.Kya bachchon ko bhi anemia ho sakta hai ?
Haan,bachchon me bhi zaruri poshak tatva ki kami ke karan khun ki kami ho sakti hai.
4. Khun ki kami ke karan sabse pehla lakshan kya dukhta hai ?
Khun ki kami hone ke karan sharir me bhut kamzori,bechaini,thakaan aur saans fulne jaise preoblem ho sakti hai.
5. Khun Ki kami ke karan konsa fal khana chahiye ?
Yadi sharir mein khun ki kami ho jaye to hame Palak,Chakundar,Amla.Anar,Jaise fal khana sehat ke kiye achcha ho sakta hai.
6.Khun ki kami ko kaise check kiya jata hai ?
Apne aap ka blood test kara kar aap khun ki kami ko check kar sakte hai.
7. Kya mahilaon me ye khun ki kami zyada dekhi gai hai ?
Haan,mahilaon me iron ki kami ho jati hai,Isliye ek santulit diet lena jada zarauri hai.
8. Kya khun ki kami ke karan baal bhi jhhad sake hai ?
Haan,khun ki kami hone par apke baal Jhhad sakte hai.
9 .Khun ki kami ke karan thakan kyu mesush hoti hai?
Khun ki kami ke karan pure sharir me prayapt matra mein oxygen nahi pahuch paata jis karan thakan lagti hai.
10.Khun ki kami ke karan kya bhut kamjori lagti hai ?
Haan,khun ki kami ke karan thakaan aur zyada kamzori lagti hai kyuki apke body parts me oxygen ki proper supply nahi ho pati hai.
