Aajkal ki bigdi lifestyle aur khan paan ke karan kya apko bhi muh mein chhale ho jate hai ? Muh me chhale hona ek aam samasya hai ye har umar me chahe bachhe ho ,budhe ho ya ho jawan sab umar ke logo mein dekhne ko milti hai.Jab muh me chhale ho jate hai to theek se khane peene me bhut dikkat hoti hai yaha tak pani bhi peene mein muh me dard hota hai.
kya aap bhi baar baar muh mein hone wale in chhalo se paresan hai yadi haan,to ye article apke liye hi hai ish article mein hum yahi janenge ki akhir muh mein baar baar chhale kyu ho jate hai ? inke kya kya lakshan hote hai,?hum ye bhi janenge ki muh mein aksar hone wale chhalo se bachne ke kon konse asardaar upaye hai?Hum kuch gharelu upayon ko bhi apnakar in chhalo se rahat pa sakte hai.
Muh Ke Chhalo Se Aap kya Samjhte Hai ?
Muh ke chhale jise hum mouth ulcers bhi kahte hai,ye chhote chhote laal,peele aur bhure rang ke hote hai.Inke aas paas laal ho jate hai ,chhune me bhut dard mehsoos hota hai.ye bade aur chhote bhi ho sakte hai.kai bar ek sath do 2 se 4 chhale ek sath ho jate hai jo bhut hi takleef dete hai.Khana khane,pani peene mein bhut takleef mehsoos hoti hai,brush karna bhi bhut muskil lagta hai.Chhale 6 se 7 din me apne aap hi theek ho jate hai.Lekin yadi apko baar baar hi chhale ho rahe hai to doctor ko check Kara kar karan janna jaruri hai.
Baar baar Muh Mein Chhale Hone Ke Kai Karan Ho Sakte Hai
1.Pet Se Judi Hui Samasya- Aksar jab kabhi apka digestion weak ho jata hai ya kabza aur acidity ki samasya ho jati hai tub chhalo ke hone ke adhik chances hote hai,jab hamara paachan sahi tareeke se kam nahi karta to ishka asar kai baar hame chhalo ke rup mein dekhne ko milta hai.Ye sabse main karan hota hai chhalo ka pet ki gadbadi hona.
2.Galti Se Daaton Se Muh Kat Jana- Kai baar jab hum khana khate hai to chabate chabate kai baar hum apne daaton se apni jeebh kaat lete hate hai,aur ish karan ush jagah par chhala banne ke chances ho sakte hai.
3. Bahut Jada Teekha auir Spicy Khana- Kai baar hum bhut hi teekha aur masaledaar khana kha lete hai aise me chhale hone ke chances badh jate hai.
4.Garam Khana Khana- Bhut adhik garam khane ke karan bhi chhale hone ke adhik chances hote hai.
5.Bahut kam Paani Peena – kuch log bhut hi kam paani peete hai pure din ke dauran matra 1 se 2 glass paani peete hai.Sharir mein kam pani hone ke karan hamara muh sukh sakta hai,aur sukhe muh ki wajah se bhi baar baar chhale hone ke chances badh jate hai.
6. Harmonal Changes – Harmonal Changes hone ke karan bhi chhalo ki samasya baar baar ho sakti hai.Kuch mahilaon mein periods ke dauran hormonal badlaav ke karan bhi muh ke chhale nikal sakte hai.
7.Weak Immunity- Jinki immunity bhut weak hoti hai unme baar baar infection aur muh ke chhale hone ke adhik sambhavna hoti hai.Hame hamesa santulit aahar lena chahiye aur prayapt matra mein pani peena chahiye.
8.Vitaminis ki Kami Hona- Kai logo mein vitamins ki bhut kami hoti hai jaise Vitamin B 12 aur kai main minerals ki bhi kami hoti hai jaise Iron aur Folic acid ki kami hone ke karan bhi chhale hone ki bhut sambhavna hoti hai.
9.Zyada Stress Aur Tension Lena – kai baar kaam aur job ke pressure ke karan kich log bhut hi zyada tension le lete hai.Zyada tension aur stress lene se hamara digestion kharab hota hai aur digestion kharab hone ke karan muh mein chhale hone ki sambhavna ho sakti hai.
Chhale Hone Ke Lakshan
Chhale hone ke kai lakshan ho sakte hai jaise-
1.Safed Ya Peela Ghaav Hona- Muh me jab kabhi chhale hote hai to hamare muh me safed ya peele ghaav dekhai dete hai jo bhut hi dard dete hai.
2.Khana Khate Samay Dard- jab muh me chhale badh jate hai to khana khate samay dard feel ho sakta hai,aur chhalo me yadi jeebh ka bhi sparsh hota hai to dard ka ehsas jada hota hai.
3.Dard Bana Hi Rahta Hai– Muh ke chhle hone par lips mein aur muh me dard bana hi rahta hai,brush karne me, pani aur chay peene mein takleef mehsoos ho sakti hai.
4.khane mein Dikkat Hona – Muh mein yadi chhale ho jaye to koi bhi thos ya hard cheej ko khane me bahut dard aur takleef mehsoos hoti hai,Pani peene me bhi bhut dard hota hai,
5. Chhune Ya dabane mein Dard Mehsoos Hona- Muh me hue chhalo ko chhune se bhut takleef mehsoos hoti hai.Jitni baar jeebh hamare chhalo se takrati hai utni baar dard mehsoos hota hai.
Chhalo Se Rahat Paane Ke Gharelu Upay
Muh mein hone wale chhale wese to 5 se 7 din mein apne aap hi theek ho jate hai,lekin itne din bhi chhalo se dard ko sahna bhut muskil ho jata hai,kuch ghar ke gharelu upay ko apna kar kuch rahat paa sakte hai.Lekin yadi hame chhale baar baar ho rahe hai to 2 week se zyada yadi chhale apko pareshan kare to dactor se ray leena bahut zaruri hota hai.
1.Nariyal Pani Zyada piyein-Nariyal pani apko hydrate rakhta hai.Yadi apke chhale dehydration ke karan ho rahe hai to jyada se jyada pani peena chahiye ya nariyal pani ka sewan karna bhut hi laabhdayak aur dard se rahat dena wala ho sakta hai.
2.Sudh Ghee lagaye- Muh ke chhalo par sudh ghee lagane par ushki ciknahat ke karan dard me kuch rahat mehsoos ho sakti hai.
3.Shahad Lagaye– Muh mein chhale hone par chhalo mein sahad lagaye,kyuki shahad mein antibacterial aur anti-inflammatory gun paye jate hai.Soft kapde se muh par chhalo ke sthan par shahad lagane se bhut rahat mil sakti hai.
4.Thandi Cheeje Khaye- Muh par chhale hone par aap thandi chheje jhaye jaise dahi,thanda doodh,thandi chhach,thanda lassi,ye apko chhalo mein bhut rahat de sakta hai.
5.Garam Pani Ka Kulla Karein- jab bahut chhale ho jaye to aap gungune pani ka kulla karein aap chahe to paani me halka namak bhi add kr sakte hai ye apko chhalo me bhut rahat de sakta hai.
6.Zyada Paani Piyein- Zyada se zyada din bhar mein hame pani peena achha hota hai,kam pani se body dehydrate ho sakti hai aur jab acchi matra mein paani peete hai to isse body bhi hydrate hoti hai aur digestion bhi achha hota hai jisse pet me jami gandagi body se bahar hoti hai aur chhale dheere dheere kam ho jate hai.
7.Malai lagaye- Chiknepan ke liye aap chhalo par doodh ki malai bhi laga sakte hai ye bhi apko rahat dete hai.
Muh Ke Chhale Hone Par Kya Khaye
Muh ke chhale hone par apko khane peene ka vishesh dhyan rakhna chahiye.In cheejo ko kare apni diet mein samil kare-
- Gajar
- papita
- chakundar
- Hare pattedar sabjiyan
- Dudh
- Dahi
- kela
- Santra
ye apko sare jaruri minerals pradan karenge inko ap apni diet me samil kare.
Muh Ke Chhale Hone par kya nahi Khana chahiye ?
Muh par chhale hone par hame khane ki chezo par vishesh dhyan rakhna chahiye hame in chezo ko khane se bachna chahiye jaise-
1.Bahut Hi Teekha Aur Masaledar Khana- Hame muh par chhale hone par khane ka vishesh dhayan rakhna chahiye aur zyada masaledar bhojan aur teekha bhijan khane se bachna chahiye kyuki chhalo ke samaye hamare muh ke andar ki chhalo ke aas paas ki skin bhut laal aur dard se bahri rahti hai aise mein ek dum teekha khana khane me apki takleef ko bhut bada sakta hai.
2.Bahut Garam Chay Ya Khana Nahi Khana Chahiye-Hame bhut garam khana khane se bachna chahiye kyuki garam khana ya bhut garam chay apke muh ke chhalo ko bhut takleef de sakti hai.
3.Tambakhu Ya Gutka Nahi Khana Chahiye- hame tambakhu ya gutke ke sewan se bachna chahiye ye apke chhlo ko aur bhi dard bhara bana sakte hai.
Chhalo Se Bachne Ke Ashan Upaye
1.kam Masaledar Bhojan Kare- Muh me yadi hamesa chhalo ki samasya bani rahti hai to apko jada tel masaledar bhojan nahi karna chahiye.
2. Santulit Aahar Kare- Hmae santulit aahar karna chahiye jishme salad,daal,roti ,hare pattedar sabji aur chawal ho.Jada tel aur mirch se bhara na ho apka bhojan.
3.Zyada paani Piye- Zyada se zyada pani peena chahiye taki aap andar se bhi hydrate rahe.yadi aap accha paani peete hai to apka digestion bhi achha hoga aur baar baar chhale bhi nahi honge.
4.Achhi Neend ley- kai baar kaam ka itna pressure hota hai ki aap apni lifestyle ka dhyan nahi rakh pate aise mein apki neend bhi proper nahi hoti,neend ki kami karan din bhar energy low rahti hai aur digestion bhi slow hota hai isse chaale bhi hone ke adhik chances hote hai.
5.Meditation Kare- apne aap ko stress free rakhne ke liye aur ek healthy life maintain karne ke liye apko yoga,ya meditation ke liye daily kuch minutes jarur nikalna chahiye.
Conclusion
Muh mein chhale hone koi bhari samasya nahi hai,par ye yadi baar baar hote hi rahte hai to apko doctor se salah lena bhi zaruri hota hai.Muh ke chhale apne aap 5 se 7 din mein khud hi theek ho jate hai,lekin yadi baar chhale ho aur bahut tez dard ho,2 week se zyada hone par bhi aram na laga ho hame ise nazarandaaz bilkul bhi nahi karna chahiye.Ye vitamins ki kami aur kai baar kharab lifestyle,zyada stress,week digestion,kamzor immunity ke karan bhi ho sakte hai.
Yadi aap ek swasth aadatein apnate hai aur samay par sahi dekhbhal karte hai to kafi had tak aap muh mein baar baar hone wale chhalo se apne aap ko bacha sakte hai. Dhyan rakhna hi sabse badi suraksha hai.
FAQs-
1.Muh ke chhale baar baar kyu hote hai ?
Muh ke chhale vitamin B12,iron ya folic acid ki kami ,kharab lifestyle,pet ki gadbadi aur kamzor immunity ke karan hote hai.
2.Muh ke Chhale kitne din mei theek ho jate hai ?
Muh ke chhale wese to apne aap 5 se 7 din mein theek ho jate hai lekin yadi 2 week se zyada hone par bhi aram na mile to doctor se salah lena zaruri hai.
3.Muh ke chhale hone par kya khana chahiye ?
Muh ke chhale hone par hame santulit ahar lena chahiye,aur praypt matra mein pani peena chahiye.
4.Kya muh ke chhaler ek se dusre vyakti mein bhi felte hai ?
Nahi,chhale ek vyakti se dusre vyakti mein nahi felte hai.Ye chhoot ki bimari nahi hai.
5.Muh ke chhale hone par doctor ke pas kab jana chahiye?
Muh ke chhale yadi 2 saptah se jada hone par bhi theek na ho to hame doctor se milna chahiye.aur unki salah se kaam karna chahiye.
