Healthy Roti hamare Indian thali ki shan hai,Bhartiye bhojan ki thali mein ye ek mukhya hissa hai,iske bina bhojan ki thali complete nahi hoti.Hum khane me daily roti khana pasand karte hai.Roti ke bina khana adhura sa lagta hai.Roti khane ke har roop me chahe breakfast ho,lunch ho ya dinner khai jati hai.Yadi khane ki thali me roti na ho to khana adura sa lagta hai.
Aajkal log sehat ko lekar bhut jagruk hote ja rahe hai.Log aajkal jwar,bajra, multigrain ki rotiya apni diet me samil kar rahe hai.Lekin jo bhi roti aap daily healthy samajh kar kha rahe hai kya vaakai mein ye roti healthy hoti hai ?
Ish Article mein hum yahi janenge ki jo roti hum daily healthy samajh kar kha rahe hai kya vaakai wo health ke liye healthy hai.Hum ye bhi janenge ki healthy roti ki kya pehchan hoti hai.Healthy roti khane ke kya benefits hai.
Roti ko healthy banane ke liye roti ke aate ko aur ushme milane wali healthy cheejo ki matra ko dhayan rakhna chahiye.kai baar hum normal roti ko hi healthy samajh kar khate hai wo utni healthy nahi hoti.
Ish article me hum yahi janenge ki healthy roti ki kya pahchaan hoti hai,aur ise apni diet ka hissa kese bnaye.
Kya Sadharan Roti Hi Healthy Roti Hai ?
Hum Sadharan roti ko hi healthy samajh kar khate hai, Lekin healthy roti wahi hai jisme sharir ko urja dene ke sath sath hame fiber, vitamins aur minerals bhi de.Isse hamara pet bhi bhara rahta hai aur ye blood sugar ko achanak badhne se rokta hai.
Healthy Roti Mein Ye Shamil Hona Chahiye –
- Fiber ki achhi matra ho.
- Poshak tatvo se bharpoor ho.
- Easily Digest hone wali ho.
- Additive aur preservatives na ho.
- Processed aata na ho.
Healthy Roti Ki Pehchan kese karein ?
1.Fiber ki Achhi Matra Honi Chaiye – Fiber wali roti apke pet ko din bhar bhara hua rakhti hai isse apko baar baar bhukh nahi lagti hai.Ishko khane se apka digestion bhi bhut accha rehta hai.Ye apke blood sugar ko bhi dheere dheere badhane me sahayak ho sakta hai.Fiber se bhari hui roti banane ke liye aap ushme chokar mila sakte hai ya multigrain aata mila sakte hai.
2.Kam Processed Aate Ka Istemal Ho- Aata aisa use karo jo jada processed na ho.Zyada processed aate me poshak tatvo ki kami ho sakti hai.Achhi quality ka gehu lekar ushe pisa kar aata taiyar kare ya acchi quality ka aata roti banane ke liye use kare.
3.Sabut Anaj Se Bani Ho-Roti banane ke liye sabut anaj ke aate ka istemaal kare,jada chikna aate ka use na kare roti banane ke liye,aata thoda mota pisa ho to zyada theek ho sakta hai.
4.Santulit Posan De- Roti me kewal carbohydrate hi nahi kuch fiber bhi hona chahiye tub wo aur bhi jada healthy aur fiber yukt hoti hai,Ishke liye aap jab gehu ka aata pisay tub ushme thoda soyabean,kala chana mila kar pisey.
5.Bina Zarurat kr Additive Na Milay –Ghar par taiyar aata hi roti bnane ke liye upyog kare Bazar ka mix aata na use kare ye apko nuksan kar sakta hai.Simple aate ko pani se guthe aur normal roti bna kar khaye.
Multigrain Roti kya Hoti Hai ?
Multigrain aate ki roti ke liye ek anaj se zyada anaj ko mix karke aata bna kar bnai jane wali roti multigrain roti hoti hai.Ishme aap gehu ke sath jwar,bajra,soya,chana,aur rahi ko mila kar aap aate ko taiyar kare.Jab kai prakar ke anaj ek sath milaye jate hai to ushme fiber ki matra badh jati hai.Ye normal gehu ki roti se jyada posak tatvo se bharpoor hota hai.
Alag -Alag Anaj Ki Rotiyon ke Laabh Kya Hai ?
1.Gehu ke Aate ki Roti-Gehu ka easily uplabdh ho jata hai,adhiktar log gehu ke aate ki hi roti khana pasand karte hai.Ishme achha fiber hota hai.Gehu ke aate mein carbohydrate bhi hota hai,aur ye rozana khane ka ek achha vikalp hai.
2.Bajre ki Roti- Bajre mein bhi kai poshak tatva samil hote hai,Ye sardiyon ke mousam me adhik khaya jata hai.Ishme fiber paya jata hai,ye apke pet ko lambe samay tak bhara hua rakhta hai aur apko urja pradan karta hai.
3.Jowar Ki Roti-Jowar ke roti bhi bhut postik tatva dene wali roti hai.Ye apke digestion ko bhi achha rakhti hai.Santulit ahar ke liye jowar ki roti best hai.
4.Ragi Ki Roti-Ragi bhi kai poshak tatvo se bhara hua hota hai,ishki roti diet me samil karne se apko calcium ki poorti hoti hai.Ye apki haddiyon ke liye bhi bhut achhi hoti hai aur apke daaton ko bhi majboot banati hai.Fiber se bharpoor hoti hai ragi ki roti.
5.Chane ke Aate ki Roti- Kai log chane ke aate se bani roti khana bhi pasand karte hai,ye protein ka rich source mani jati hai.Pet ko lambe samay tak bhara hua rakhti hai.
6.Makke ki Roti – Makke ki roti sardiyon me khana bhut pasand ki jati hai,ishme bhi fiber ki matra hoti hai,ye bhi apko lambe samay tak pet bhara hua rakhti hai.Ise aksar sarso ke sag ke sath khaya jata hai.
7.Soyabean Aate Ki Roti –Soyabean ko gehu ke sath mila kar ishka aata taiyaar kiya jata hai.ye protein ki matra badhane mein madad karti hai.Ye apko urja deti hai.
Normal Gehu Ki Roti Ko Aur Healthy Kese Banaye ?
Gehu ki roti har ghar mein banai jati hai.Yadi aap apne gehu ke aate ki roti ko aur bhi jada healthy banana chahte ho to apko gehu ke aate me in cheejo ko jaroor milana chahiye jaise-
- Chana ka Aata
- Jowar Ka Aata
- Bajre Ka Aata Ragi Ka aata
- Soyabean Ka Aata
In sabko mila kar aap ek mix aata taiyar kar sakte hai aur jab bhi apka man ho aap inki roti bna kar enjoy kar sakte hai.In Rotiyon ko Daal,Dahi,aur hari sabjiyon ke khane me inka swad aurbhi badh jata hai.
Conclusion
Roti hum sabhi khana pasand karte hi hai to hame apni roti ko aur bhi healthy bana kar khana chahiye.Healthy roti ko apko hi bnana hai ishke liye aap ye dhyan rakhe ki processed anaj ko use na kare, aata banakar roti banane ke liye.Hame aate ki quality par dhayan dena chahiye,aur kitna portion lena hai ye dhyan me rakhna chahiye.Yadi aap healthy tarike se Roti khaogey to ye apke liye kafi faydemand sabit ho sakta hai.
FAQs
1.Kya Multigrain Roti hamesha healthy hoti hai ?
Nahi,ye zaroori nahi ki multigrain ki roti hmesa hi fayda kare ye ushi quality aur ingredients par bhi nirbhar karta hai.
2.Kya Bajre aur Jowar ki roti gehun se behtar hoti hai ?
Bajra aur jowar ki roti bhi healthy hoti haipar ye kahna ki gehu ki roti zyada better hai ye sahi nahi ye apke roti khane ki zarurat par nirbhar karta hai.
3.Kya Raat me roti khani chahiye ?
Haan,aap raat mein bhi santulit matra mein roti kha sakte hai,isse apki body me koi samasya nahi hogi.
4.Kya multigrain aate ki roti baccho ke liye achhi hoti hai ?
Haan,Multigrain ki roti seemit matra me bachho ke liye achhi hoti hai.
5.Kya healthy roti khane se vajan kam hota hai ?
Sirf healthy roti khane se vajan nahi kam hota hai,ishke liye apko santulit ahar lena chahiye aur kuch exercise bhi karni chahiye.
6.Kya roti ke aate ko chhan kar guthna chahiye ?
Nahi,kosis kare ki zyada chikna aata na khaye,chokar mile hue aate me fiber ki matra jada hoti hai.
7.Kya diabetes wale log roti kha sakte hai ?
Haan,Diabetes wale logo ko apni diet aur portion size ke baare me pata karke roti khani chahiye,ishke liye aap apne dietitian ki advice le sakte hai.
8.Kya Jowar,Bajra,aur Makke ki roti garmiyon mein bhi kha sakte hai ?
Haan,jowar,bajra aur makke ki roti aap santulit matra me garmiyon me bhi kha sakte hai.
9.Healthy roti Ke sath Kya Khana Chahiye ?
Healthy roti ke sath aap dahi,hari sabjiyan,salad ke sath khane se apka bhojan aur bhi santulit ho jata hai.
10.Kya roti mein ghee laga ke khana chahiye ?
Haan,aap roti mein ghee laga kar kha sakte hai par ek simit matra mein.
11.Kya multigrain roti ka swad alag hota hai ?
Haan,Multigrain roti ka swad aur texture alag hota hai kyuki ishme kai anaj mile hue rehte hai.
12.Kya ghar ka pisa hua aata zyada faydemand hota hai ?
Haan,ghar me pisa hua aata zyada faydemand hota hai,kyuki ishme milawat nahi rehti.
13.Kya alag alag anaj ke Aate ko milakar ghar par multigrain aata taiyar kiya ja sakta hai ?
Haan,aap alag alag anaj ke aate ko mila kar multigrain aata taiyar kar sakte hai jaise jowar,bajra,makka,chana ye bhut hi postik bhi hota hai aur ise asani se banaya ja sakta hai.
14. Kya healthy roti pet ko lambe samay tak bhara rakhti hai ?
HaanKyu7ki ishme fiber ki matra zyada hoti hai aur fiber apke pet ko lambe samay tak bhara hua rakhta hai.
15.Kya healthy roti khane ke baad bhi jaldi bhook lag sakti hai ?
Haan,yadi roti ke sath paryapt protein aur fiber na ho,to kuch logon ko jaldi bhook lag sakti hai.Roti ke sath yadi protein lene se pet jada der tak bhara hua rahta hai.
