Aajkal uric acid badhne ki samasya sirf buzurgon hi mein nahi,balki ye samasya ab yuvaon mein bhi tezi se dekhne ko mil rahi hai. Ish samasya ke peeche galat khan paan,kam pani peena,kam exercise aur kuch bimariyan ishki peeche zimmedar ho sakti hain.Agar samay rahte hi ishke shuruaati lakshan pehchan liye jaye to ishko control karna ashan ho sakta hai.
Aaiye ish article mein hum yahi janenge ki uric acid kya hota hai,aur ye kyu badhta hai,ishke shuruaati lakshan kya hote hai aur ise control karne ke liye kya kya kadam uthaye ja sakte hai.
Uric Acid Kya Hota Hai ?
Adhiktar log ish Samasya ko naam se to bhut jante hai aur sunte bhi hai lekin vastav mein uric acid hota kya hai ye nahi jante hai, Uric acid hamare sharir mein banne wala ek bekar padarth yani ki waste material hai.Jab hum khana khate hai to hamara sharir ushe pachata hai.Ish dauran kuch padarth tootkar uric acid banate hai.
Normal tarike se kahe to aam tour par hamari kidneys uric acid ko filter karke ishe urine ke sath sharir se bahar nikal deti hai.
Lekin yadi hamari body mein uric acid zyada banne lage ya kidneys ishe theek se bahar na nikal paye to uric acid khoon mein badhne lagta hai.
Jab ishka level bahut zyada ho jata hai to ishke chhote-chhote crystal jodon(Joints) mein jama ho sakte hain.Ish karan pair ke anguthe,ghutne,takhne ya hamari unguliyon ki jodon mein tez dard,sujan,aur lalima ho sakti hai.
Aur Asani se samjhe ki Uric Acid kya hai?
Jish prakar ghar ka kachra roz bahar nikalta hai.Agar kachra bahar na nikle aur ghar mein hi jama hone lage,to dikkat hogi.Ushi tarah uric acid bhi sharir ka ek waste product hai.jab yeh bahar nahi nikal pata,to sharir mein jama hokar pareshani paida kar sakta hai.
Ishliye Uric acid ka level normal rakhna sehat ke liye zaruri hai.
Uric acid Hone Ke Mukhya Karan
1.Purine Wale Foods Ka Zyada Sevan Karna-Kuch foods aise hote hai jinme purine naam ka padarth adhik matra mein hota hai.Jab sharir purine ko todta hai,to uric acid banta hai.Bahut zyada purine wale foods khane se sharir mein uric acid ka level badh sakta hai.
Purine Wale Foods Jaise-
- Red Meat
- Liver aur kidney jaise organ meat
- Sardine aur anchovy jaise kuch machhliyan
- kuch seafood
- Beer aur alcohol
Ishliye hame in foods ka sevan simit matra mein karna chahiye,aur yadi apka uric acid pahle se hi high ho to hame vishes dhyan rakhna chahiye.
2.Bahut Kam Paani peena –Jab hum pani peete hai to paani hamare sharir ke bekar padarth ko bahar nikalne mein madad karta hai.Aur jab hum bahut kam paani peete hai to hamari kidney uric acid ko achhi tarah se filter nahi kar pati.Ish wajah se uric acid dheere dheere khoon mein jama hone lagta hai.
Har din ke dauran achhi matra mein pani peena uric acid ko control rakhne mein madad kar sakta hai.
3.Motapa-Jin logon ka vajan bahut hi adhik hota hai,unke sharir mein uric acid banne ki matra badh sakti hai.Saath hi motape ke karan kidneys bhi acid ko bahar nikalne mein kam prabhavi ho sakti hain.
Ishliye hame santulit aahar,niymit exercise aur dheere dheere healthy weight maintain karna faydemand ho sakta hai.
4.Kidneys Se Judi Samasya- Hamari kidneys ka mukhya kaam khoon ko saaf karne ka aur bekar padarthon ko urine ke jariye bahar nikalna hota hai.Agar kidneys theek se kaam na karein to uric acid sharir mein jama hone lagta hai.
Ishliye kidney disease wale logon ko doctor ki salah ke anusar samay-samay par test karwane chahiye.
5.Diabetes Aur high Blood Pressure-yadi apko diabetes aur blood pressure jaisi samasya hai to ye rog lambe samay tak rahne par kidneys ko prabhavit kar sakte hai,aisi condition mein uric acid ko sharir se bahar nikalne me muskil ho sakti hai.hliye bimariyon ko control mein rakhna bhi uric acid ke level ko manage karne ka ek mahatvapurn hissa hai.
6.Kuch Aisi Dawaiyon Ka Sewan – Kai bar kuch aisi dawaiya jaise water pills bhi uric acid ke level ko badha sakti hai,ishliye yadi aap Dawaiyon ka sewan kar rahe hai aur yadi apka uric acid badh raha hai to apko apne doctor se jarur salah lena chahiya,lekin bina doctor ki salah se koi bhi dawai lena suru na kare aur yadi dawai le rahe to doctor ki salah lekar hi band kare.
yadi apko aisa lage ki kisi dawai ko lene ke bad apka uric acid badh raha hai to aap doctor se jarur salah ley.
7.Genetic Karan-Yadi pariwar mein mata pita ya kisi kareebi ristedar mein kisi ko uric acid ki samasya hai,to kuch logon mein ishka risk badh sakta hai.Lekin ishka matlub ye bhi nahi hai ki har vyakti ko ye samasya hogi par regular health check up se risk ko kam kiya ja sakta hai.
Aaiye Jante Hai Uric Acid Badhne Ke Kya -kya Shuruaati Lakshan Hote Hai
Har vyakti mein shuruaat mein hi uric acid ke lakshan dikhe ye jaruri nahi hai.Kai baar uric acid bhut high hota hai par fir bhi suruaat mein koi lakshan nahi dikhai dete hai.Shuruaat mein kuch aise lakshan ho sakte hai jaise –
1.Pair ke Anguthe Mein Tez Dard Hona -Pair ke anguthe mein tez dard hona ye sabse common lakshan hai uric acid ka,Ye aksar raat me jada badh jata hai.
2.Jodon Mein Dard Hona-Uric acid ke lakshan mein jodon ke dard jaise Ghutne, takhne, kalai ya ungliyon ke jodon mein dard, sujan aur aaithan mehsoos ho sakta hai.
3.Chalne Mein Dikkat Hona- Jab uric acid ki samasya hoti hai to chalne firne mein dard mehsoos ho sakta hai,jab apke jodon mein dard badh jata hai tub aapko chalne mein ya seediyan chadne me dikkat ke sath thodi pareshani bhi ho sakti hai.
4.Jodon ko Chhune Par Dard Mehsoos Hona – Jab aap jodon ko chhute hai to dard mehsoos ho sakta hai aur prabhavit joint mein laal ho sakta hai,hath se chhune par garam mehsoos ho sakta hai.
5.Subha Jodon Mein Aithan Mehsoos Hona –jab aap subah sokar uthte hai to sharir me joints mein stiffness hoti hai.Joints mein Aithan Mehsoos ho sakti hai.
6.Baar Baar Dard Ka Hona – Uric acid ki samasya hone par joints me baar baar dard mehsoos ho sakta hai kabhi dard halka hota hai kabhi dard bhut tez mehsoos hota hai,kai baar dard thode dino mein kam hota hai fir kuch din baad fir dard mehsoos hone lagta hai.
Ye Bhi Janiye Ki Kin Logon Ko High Uric Acid Ka Risk Zyada Hota Hai?
1.Mahilaon ki tulna mein pursho ko-Mahilaon ki tulna mein pursho ko adhik sambhavna dekhi ja sakti hai.Ishka ek main karan harmones hota hai.Mahilaon ke sharir mein menopause se pehle estrogen hormone hota hai,jo kidneys ko uric acid ko sharir se bahar niikalne mein madad karta hai.Ishi wajah se ish umar tak mahilaon mein high uric acid risk aam tour par kam hota hai.
2.Menopause Ke Baad– Menopause Ke Baad mahilayen Mein bhi uric acid ki samasya badhne ka risk ho sakta hai.
3.Diabetes-Diabetes Ya High Blood Pressure-Diabetes Ya High Blood Pressure Wale Logon ko bhi uric acid badhne ke chances ho sakte hai.Aise logon ko apna health check up jarur karwana chahiye.
4.Adhik Motapa Hone Par -Bahut adhik motapa hona bhi uric acid badhne ke chances ko badha sakta hai.Vajan adhik hone par doctor ki salah se apki regular check up karwana jaruri hota hai.
Uric Acid Kese Dignose Hota Hai ?
Uric acid ko kewal symptoms dekh kar nahi pata lagaya jata hai .uric acid ki samasya hone par doctor sabse pahle apko blood test karwane ke liye kahte hai,aur isse blood mein uric acid ke level ko check kiya jata hai.Ishliye test aur medical check up karna jaruri hota hai.
Agar uric acid ke Lakshan dekhe to sabse pahle Kya Kare ?
uric acid ke Lakshan dikhne per hamen ine baton ka Vishesh Dhyan rakhna chahie Jaise
- Apne app se koi bhi dawai lena shuru na kare
- Doctor se salah lekar jaruri jaach karwaye
- Prayapt matra mein pani piyen
- Healthy diet lein
- physical activity kare
- Doctor ki di hui medicine ko follow kare
Hame ish baat ka dhyan rakhna chahiye ki yadi high uric acid hai to hame doctor se ray lekar hum apni vartman uric acid ki stithi ko kafi had tak manage kar sakte hai.
High Uric Acid Mein kya Khana Chahiye?
1.Taze Fruits- Hame taze fruits khane chahiye jaise seb fal,santara,papita,amrood,aur berries jaise phal vitamin aur fiber se bharpur hote hai.Ye apki overall health ke liye bhi bhut faydemand hote hai.
2.Tazi Hari Sabjiyan-Hame tazi hari sabziyan khana chahiye jaise lauki,tori,ghiya,kheera,aur tamatar health ke liye achhe ho sakte hai,adhiktar logon ke liye santulit matra mein hari sabziyan healthy diet ka hissa ho sakti hain.
3.Whole Grains- whole grains faydemand ho sakte hai jaise Oats,daliya,brown rice aur multigrain roti fiber deti hai aur santulit aahar ka hissa ban sakti hain.
4.Low Fat Dairy Products-Low Fat Dairy Products jaise doodh aur dahi kuch logon mein healthy choice ho sakta hai.
5.Prayapt Pani Piyen-Din bhar ke dauran aap prayapt matra mein pani peene se kidneys ko waste produts bahar nikalne mein madad milti hai.
Conclusion
High uric acid ek aisi samasya hai jise hum sahi samay par pehchan kar aur sahi dekhbhal karke kafi had tak manage Kiya ja sakta hai.Yadi apke bhi jodon mein,anguthe mein tez dard ya sujan ho to apko ishe nazarandaaz nahi karna chahiye.Doctor ki ray lekar blood test karwa kar uric acid level ka pata lagwana chahiye aur doctor ki salah se medicine leni chahiye.
Ishke sath sath yadi halki exercise kare, santulit aahar lein,Prayapt paani piye,weight control me rakhe,in chhoti chhoti baaton ka dhyan rakh kar aap kabhi had tak high uric condition ko manage kar sakte hai.
FAQs
1.kya Pani peene se uric acid kam hota hai ?
Pani peena uric acid se bachne ka vikalp nahi hai,lekin pani Prayapt matra mein peene se apki hydrate rahti hai aur kidney waste product ko bahar nikalne mein help karti hai.
2.Uric acid ke shuruaati lakshan kya hai ?
Uric acid ke shuruaati lakshan mein jodon mein dard,anguthe mein dard,sujan,lalima,chalne me pareshani ka samna karna padh sakta hai.
3.Kya high uric acid gout ka karan banta hai ?
Nahi,Ye jaruri nahi ki jiska uric acid high ho ushe hamesa gout ki samasya ho.Kai logon mein mein uric acid high hota hai par fir bhi koi lakshan nahi hote hai.
4.Uric Acid kam karne ke liye kya khana chahiye ?
hame pani adhik peena chahiye,aur seasonal fruits,hari sabjiyan,low fat dairy produts aur whole grains ko diet mein shamil karna chahiye.
5.Kya high uric acid se kidney stone ho sakta hai ?
Haan,agar uric acid lambe samay tak zyada rahe,to kuch logon mein uric acid ke crystal jama hokar kidney stone ban sakte hain.
