Aaj kal har vyakti fit rahkar ek acchi life jeena chahta,har vyakti ek nirogi kaya chahta hai.Ek achhi life jeene ke liye hame achhi aadaton ko bhi apna a chahiye,lekin aaj kal ki busy life me Har Koi apne job family aur career mein itne jada busy ho gye hai ki apne khud ke liye samay nikalna muskil ho raha hai.
Jaise jaise umar badti ja rahi hai wese wese hamare sharir me parivartan hona bhi swabhavik hai,lekin badhti umar ke sath sharir mein kai prakar ke dikkat hone lagti hai.lekin yadi kuch healthy aadatein suru se apna li jaye to 70 ki umar me bhi aap fit aur healthy rah sakte hai.
Ish article mein hum yahi janenge ki kese chhoti chhoti aur achhi aadaton ko apna kar hum ek achhi healthy aur fit life jee sakte hai,aur badhti umar mein bhi apne apko fit aur healthy rakh sakte hai.
Badhti Umar Mein Swasth Rahne Ka Matlub Hai-
Badhti umar me swasth rahne ka matlub hai ki apni overall health ko yani mansik, sharirik aur bhavnatmak health ko maintain karke rahna.Apne sare roj marra ke kamo ko khud bina help ke karna.Aur utsah aur energy se sabhi kaam bina thake hue karna.Salar sabdo hum yeh kah sakte hai ki badhti umar mein bhi kisi prakar ki sharirik samasya ya kisi prakar ki bimari se mukt rahna.
Umra Badhne Ke Sath Sharir Mein Kaun Se Parivartan Aate Hai ?
Jaise jaise hamari umra badhti jati hai wese wese sharir mein bhi kai prakar ke parivartan dikhne lagte hai,Jaise-
1.Hadiyon Ka Kamzor Hona- Aksar jab umra badhti hai to hamari haddiyan kamzor hone lagti hai aur haddiyon mein dard,uthne.bethne ki samasya aam ho jati hai.Kmazor hone ke karan haddiyon ki density kam ho jati hai jisse fracture hone ka risk badh jata hai.
2.Metabolism Slow Ho Sakta Hai –Badti umar mein sharir calories ko pehle ki tulna mein dheere burn kar sakta hai,jisse body mein wajan badhne ki sambhavna ho sakti hai.
3.Digestion Weak Ho sakta Hai- Badhti umar mein hamara digestion bhut weak hone ki sambhavnna hoti hai,Kai logo ko khana digest karne me dikkat hoti hai.
4.Neend Puri Nahi Hoti Hai-Kuch logo ko badhti umar me neend ki samasya kam aane ki samasya ho jati hai,Ye aksar badhti umar mein dekha gya hai.
5.Uthne Bethne Mein Dikkat hona- Badhti umar ke sath logo ke hath per mein bhi dard bana rah sakta hai jishke karan uthne aur bethne mei bhut dikkat ho sakti hai.
6.Immunity Weak Ho Jati Hai – Badhti umar mein hamari rog pratirodhak kshamta mein bhi bhut badlav aajata hai,jis karan bimariyon ke badhne ke chances jada hone ki sambhavna hoti hai.
7.Skin Loose ho Sakti Hai-Badhti umara mein aksar logo ki twacha mein badlav ke sath sath dheelapan aajata hai.Skin patli aur rukhi ho sakti hai.
8.Dekhne Aur Sunne Ki Kshamta Kam Ho Sakti hai – Badhti umar mein aksar logo ki nazre kamzor ho jati hai,aur ushke sath sath sunne ki kshamta par bhi asar padhta hai.
9.Energy Ki Kami Bani Rah Sakti Hai-Badhti umra mein aksar logo ko kamzori ka ehsas jada hota hai aur energy ki kami ho sakti hai jiske karan low feel hota hai.
70 Ki Umar Mein Bhi Fit Aur Active Rahne Ke Liye Kare Ye Kaam
1.Daily Walk Karne Ki Habit Develop Kare-Walking ek bhut hi achhi aur simple exercise hai.Ise aap kahi bhi kar sakte ho,ye apke liye badhti umar mein bhut hi labhdayak ho sakti hai.Walking ek bhut hi aasan physical activity hai.
Hame din mein kam se kam 20 se 30 minutes daily chalna chahiye,ye apke liye bhut hi faydemand ho sakta hai.Aap apne anusar kabhi bhi walking ke liye time nikal sakte hai.
Walking Ke Kai Fayde hai Jaise-
- Blood circulation better hota hai.
- Dinbhar energy bani rahti hai.
- Mood Bhut hi fresh rahta hai.
- Dil bhi swasth rahta hai.
- Immunity weak nahi hoti hai.
2.Yoga Kar Sakte Hai- Kuch asan se yoga bhi kiye ja sakte hai.Yoga karne se hum sharirik aur mansik dono tarah se swasth rahte hai.
3.Kuch Exercise Ki Ja Sakti Hai- Kuch exercise bhi ki ja sakti hai,jisse apka pura din urja se bhara rahta hai.Aap walking aur stretching bhi kar sakte hai.
4. Achha Aur Santulit Aahar Lein –Accha aahar lein,kyuki sehat ko achha aur active rakhne ke liye Achha aur santulit aahar karna bhut zaruri hai.Apne bhojan mein hari sabjiyan,mousami fruits rakhe.Achhe Aahar se hame achhe poshak tatva bhi mil jate hai.Protein yukt bhojan lein jaise-
- Daal
- Paneer
- Rajma
- Soya
- Dahi
- Doodh
- Chana
5.Whole Grains Lein- Badhti umar mein hame apne khane ka vishesh dhyan rakhna chahiye,aap apni diet me whole grains ko add kare,Whole grains mein aap Gehun,Bajra,Jowar,Ragi,oats,brown rice aur barley ley sakte hai.Ye apko lambe time tak pet bhara feel kara sakte hai,
6.Achhi Neend lein- Neend hamare body ke liye bhut zaruri hai,need hamare dimak ko aram aur relex karta hai,Acchi neend lene se mood bhi fresh rahta hai,Aur sharir ko recovery karne ka bhi time milta hai.
7.Stress Se Dur Rahe-Dimak mein kisi prakar ka stress naa lein.stress ka asar hamari body aur mind par padhta hai.Stress hamari body me galat asar daal sakta hai.
8.Regular Checkup Karayen-Samay samay par apni health checkup karate rahna chahiye,kyuki regular checkup se hone wali bimari ka jaldi pta lagaya ja sakta hai aur treatment liya ja sakta hai.
Kin Cheezo Ka Sewan Kam Karna Chahiye
1.Bahut Adhik Namak Nahi Khaye- Hame kam se kam namak la sewan karna chahiye,zyada namak sehat ke liye achha nahi hota hai.
2.Adhik Cheeni Ka Use Na Kare- kam se kam sugar ka use karna chahiye,zyada sugar hame sharirik roop se paresan kar sakti hai.
3. Processed Foods Na Khaye- Hame kam se kam processed food lein,kuch log apne diet mein daily Processed food khana pasand karte hai ye apke liye bhut hi hani karak ho sakta hai.Hame santulit aahar lena chahiye,jishme aap protein, carbohydrate, minerals sab add kar sakte hai.
Paani Peene ki Aadat Banaye-
Kai log bahut kam pani peete hai jabki pani hame jyada se jyada peena chahiye,paani se hamari body hydrate rahti hai,achha paani peene se hamara digestion bhi achha hota hai.Yadi paani ki kami hogi to din bhar thakan mehsoos hoti hai aur energy low feel hota hai wahi pani jyada se jyada peene se sharir me urja bani rahti hai.
Achhi Neend Lein
Hame ek achhi life jeene ke liye achhe se neend bhi Lena bhut zaruri hai,bina neend ke sharir me energy down rahti hai,mood kharab rahta hai aur kisi kam mein nan nahi lgta hai.Kam se kam 7 se 8 ghante ki proper neend lena bhut zaruri hai ek healthy life me liye.
Smoking Aur Alcohol Se Dur Rahe
Smoking aur Alcohol jese nashe wali cheezo se apne aap ko dur rakhe,ye apke sharir par bhut galat prabhav dalti hai.yadi aap in buri cheejo ka sevan karte hai to samay se pahle apke lungs,heart kharab ho sakte hai.
Regular Health Checkup Karwate Rahe -Hame samay samay par apna health check up karate rahna chahiye,issue hame koi bhi gambhir sharirik samasya se apne aap ko prabhavit hone se bacha sakte hai.Regular health check up karwane se sahi time par doctor ki salah mil sakti hai aur samay se samasya ka hal nikala ja sakta hai.
Conclusion
70 ki umar mein bhi fit aur active rahna koi asan nahi hai yadi apko 70 ki umar mein bhi fit aur active rahna hai to apko apni lifestyle me bhi suru se parivartan karna chahiye.Yadi aap ek achhi lifestyle jeena chahte hai to apko suru se hi apne jeewan ki shaili me parivartan karna hoga.Yadi chhoti chhoti aadaton ko suru se apnaya jaye to aap badhti umar mein bhi apne aapko fir aur active rah sakte hai.
Yadi aap achha santulit aahar lete hai,achhi Neend lete hai,aur yoga aur kuch meditation karte hai to aap bhi ek badiya life jee sakte hai aur 70 ki umar mein bhi apne aap ko healthy,fir aur active rakh sakte hai.Aaj se hi chhoti chhoti aadaton ka use karke aap lambe samay tak apne apko fit aur active rakh sakte hai.
FAQs
1.Kya 70 saal ki umar mein bhi exercise karna surakshit hai ?
Haan,70 ki umar merin bhi aap exercise kar sakte hai yadi apko kisi prakar ki koi sharirik problem nahi hai to,kisi prakar ki koi sharirik samasya hone par doctor se salah lena jada uchit hota hai.
2.Healthy rahne ke liye sabse mahatvapurna aadat konsi hai ?
Healthy,aur fit rahne ke liye sabse zaruri hai santulit aahar lena kuch yoga aur exercise karna aur samay se neend lena,ek accha daily routine follow karke aap acchi healthy rah sakte hai.
3.Kya paani kam peene se thakan ho sakti hai ?
Haan,paani ki kami se apki body hydrate nahi rahegi wahi pani peene se body hydrate rahegi aur,din b har energy bhi bani rahegi aur apka digestion bhi acchha rahega.
4.Kya sirf healthy diet se fit raha ja sakta hai ?
Healthy diet bhut jaruri hota hai par ishke sath exercise,aur proper neend lena bhi bhut zaruri hai.
5.Kya daily walk karna zaruri hai ?
Haan,daily bhale hi 10 minutes walk karne se body me energy bani rahti hai ye apke sharir ki shakriyta ke liye jaruri hai.
