Hichki aana ek sadharan baat hai,ye kabhi bhi kisi ko bhi kisi bhi jagah aasakti hai.Hichki ka koi samay fix nahi rahta hai, Aksar hichki kuchh hi minute Mein apne aap theek Ho jaati Hai.kuch logo ko baar baar hichki aati hai aur bhut der tak hichki chalti rahti hai.Kai baar hichki lagatar aana kisi health problem ka bhi sanket ho sakta hai.Ish article mein hum yahi janenge ki baat baat hichki kyu aati hai,Ishke kya karan aur lakshan hai aur ishe kese roka ja sakta hai.
Hichki Kya Hoti Hai ?
Hichki jab aati hai jab diaphragm naam ki muscles achanak sikud jati hai aur Ishke baad vocal cords turant band ho jate hai aur hic jesi awaj nikalti hai,ishi prakriya ko hichki kaha jata hai.Ye kabhi bhi kisi bhi samay aasakti hai.
Baar Baat Hichki Kyu Aati Hai ?
Baar baar hichki aane ke peeche kai karan ho sakte hai jaise,-
1.Jaldi Jaldi Khana Khana –Jab hum bhut hi tezi se khana khate hai to ishke Karan bhi kai baar hame hichki aane lagti hai.Jab hum jaldi khana khate hai to khane ke sath hawa bhi hamare pet mein chali jati hai jiske karan hichki aana suru ho jati hai.
2.Teekha Ya Bhut Masaledar khana- Jab hum bhut jada teekha,ya masaledar khane ko khate hai to bahut zyada masale se bhara hua bhojan karne se ye pet aur aahar nali ko irritate kar sakta hai aur aisi sthithi mein aksar dekha jata hai ki logo jo hichki aa sakti hai.
3.Bahut Zyada Khana Khana –Bahut zyada bhojan kar lene par hamare pet par baut dabav badh jata hai aur isse hamara diaphragm prabhavit ho sakta hai, jisse hichki aane lagti hai.
Baar Baar Hichki Aana kya Koi Badi Samasya Ho Sakti Hai ?
Hichki wese to ek normal prakriya hai lekin yadi baar baar hichki aaye to ye kisi samasya se bhi judi ho sakti hai jaise –
1.Digestion Sahi Na Hona- Digestion sahi na hone par bhi baar baar hichki jesi samasya ho sakti hai,
2.Acidity Jaisi Samasya Aur Acid Reflux Bhi Ho Sakta Hai
Kai baar hamare pet mein jab acid ki matra badh jaati hai, ya jab hamare pet ka acid bahar food food pipe ke dwara wapas aane lagta hai, to aisi condition mein ishe Acid Reflux ya dusre sabdo mein GERD kaha jata hai. Ish condition mein hamare sharir ki diaphragm aur usse judi hui jitni nerves hai wo vichlit ho sakti hain, jiske karan hame baar-baar hichki aane lagti hai.
3.Stress Zyada lena – Zyada strees bhi hamare sharir ke liye hanikarak hota hai kyuki jab hum stress zyada lete hai to isse hamara nervious system prabhavit ho sakta hai aur ishke karan hame hichki aasakti hai baar baar.
4.Pet Mein Gas Banna- Jab pet mein adhik gas banti hai to isse hamara pet phool sakta hai aur pet phoolne ke karan diaphragm par prabhav poadh sakta hai jishke karan hame baar baar hichki aa sakti hai.
5.Liver Aur Kidney Kharab Hone Par – Kai baar hame liver aur kidney ki kuch samasya hone ke karan bhi hame baar baar hichki aasakti hai kyuki jab hamare sharir me unnecessary toxins jama hone lagta hai tub sharir ke nervous system par bhi asar padhta hai,jishke karan baar baar hichki aasakti hai.
Janiye Hichki Kab Hanikarak Ho Sakti hai ?
Wese to hichki normally 2 se 5 minute mein band ho jati hai lekin yadi hichki 48 ghanto tak lagatar aati rahe,apko bone me dikkat ho,khana khane mein samasya ho rahi ho,saans baar baar phoolne lage,aur saans lene me pareshani ho rahi ho,Neend bhi prabhavit ho rahi ho,paani peene me dikkat ho rahi ho to aisi condition mein hame turant apne doctor ki salah leni chahiye. Jab lagataar apki band hone ka naam hi na lein to ish ko najarandaaz na kare aur doctor se sampark karein.
Conclusion
Hichki aana koi badi bimari ya samasya nahi hai,Aamtour par ye apne aap hi theek ho jati hai lekin yadi lagataar hichki aaye to doctor ki raye lena zaruri hota hai.Baar baar hichki aana koi samasya ke karan bhi ho sakti hai.Yadi aap ek swasth life maintain karte hai jaise time se santulit aahar khana,jada paani peena,stress kam lena,proper neend lena,kuch vyayam karna,to in samasyao se kafi had tak bacha ja sakta hai.Lekin hame savdhani rakhni chahiye.Thode chhote chhote par regular apne swasth par dhyan dene se aap har samasya se apne aap ko safe kar sakte hai,Aur ek healthy life jee sakte hai.
FAQs
1.Kya Zyada stress lene se hichki asakti hai ?
Haan,zyada stress lene se kai logo ko hichki ki samasya ho sakti hai.
2.Kya baar baar hichki aan normal hai ?
Haan, baar baar hichki aana normal hota hai par yadi 48 tak lagatar hichki bani rahe to ye samasya ho sakti hai ishe nazarandaaz nahi karna chahiye.
3.Chhote bachho ko baar baar hichki kyu aati hai ?
Zyada hawa nigalne ke karan,ya jaldi jaldi khana khane ke karan bachchon ko hichki aa sakti hai.
4.Doctor ko kab dikhana chahiye ?
Yadi 48 ghanto se zyada hichki bani rahe to doctor ko dikhana sahi ho sakta hai.
5.Kya hichki aane par paani peene se hichki ruk jati hai ?
Haan,dheere dheere paani peene se kai logon ko hichki se rahat mil sakti hai.
6.Kya hichki aur acidity ka sambandh hai ?
Haan,Acidity aur acid reflux ki wajah se kuch logon ko baar baar hichki ki samasya ho sakti hai.
7.Kya hichki aana pachan tantra ki samasya ka sanket ho sakta hai ?
Haan,gas,indigestion aur acidity jaise pachan sambandhi karan hichki ka karan ho sakta hai.
