Aksar jab hum khana khate hai tub kuch logo ko khana khane ke baad pet mein chubhan jaisa mehsoos hota hai,kabhi kabhi ye dard pet ke beech mein hota hai,Kabhi ye pet ke left ya right side mein bhi hota hai,Kabhi kabhi ye chubhan halki halki hoti hai par kabhi kabhi ye bhut jyada tez aur asahniye dard ke roop mein hoti hai.Kai log ishe normal samajh kar ignore kar dete hai.par yadi ye samasya aur ye chubhan baar baar ho to ye problem ka sanket bhi ho sakti hai.
Aaiye ish article mein hum yahi janenge ki khana khane ke baad pet mein chubhan kyu hoti hai,hame kab doctor se raye leni chahiye?,Ishke kya karan ho sakte hai aur isse kese rahat mil sakti hai.
Pet Mein Chubhan Ka Kya Matlub Hai ?
Pet mein chubhan ka matlub hai khana khane ke baad pet me kisi hisse mein sui chubhne jaisa lagna ya pet me tez dard mehsoos hona.Ye dard thode samay ke liye bhi ho sakta hai aur kai baar ye bhut der tak bana rahta hai kam se kam 1 se 2 din ya aur bhi zyada ho sakta hai.Ye agar kabhi kabhi ho to ye koi samasya ki baat nahi hai lekin yadi ye baar baar ho rahi ho to doctor ki salah lena bhut zaruri hai.
Khana Khane Ke Baad Pet Mein Chubhan Ke Kya Karan Hote Hai ?
1.Pet Mein Gas Aur Acidity Banne Ke Karan – Ye pet mein chubhan banne ka sabse aam karan ho sakta hai,ishme apka pet phoolta hai,pet mein jalan hoti hai,dakar bhi aati hai,pet mein chubhan aur seene mein jalan jaise mehsoos hota hai.
Kya Karna Chahiye ?
Sabse pahle apne khan paan mein bhut dhyan dena chahiye.Teekha,masaledar,aur oily khana nahi khana chahiye.Khane ko ek dum dheere dheere chaba kar khana chahiye,khane ke turant baad letne se bachna chahiye.
2.Badhazmi Hona- Jab hamare dwara khaya hua khana achhe se digest nahi ho pata hai tokai baar pet mein dard,chubhan ho sakti hai.Ishme apko ulti aane jaisa bhi lag sakta hai.
3.Gastritis- Pet ki andar ki parat mein sujan aa jaane ko gastritis kehte hai.jab hum bhut teekha masaledar khana khate hai,ya alcohal smoking karte hai,ya pain killer medicines ka zyada istemal karte hai to ye gastritis ki samasya peda kar sakta hai.
4.Peptic Ulcer – Pet ya chhoti aant mein ghaav hone par khana khane ke baad dard badh sakta hai,ishke karan pet mein dard,jalan,bhook bhut kam lagna jaisi samasya hoti hai.
5.Gallbladder ki Pathri –Yadi khana khane ke baad chubhan khaskar oily khana khane ke baad pet ke daaye upar wale hisse mein hoti hai,to ye ek gallbladder stone bhi ek karan ho sakta hai.
6.Food Allergy Ya Food Intolerance –Kai baar kuch logo ko doodh se bane product,ya kisi khaas bhojan se allergy ya intolerrance hoti hai ishke karan bhi khana khane ke baad pet mein chubhan aur gas ho sakti hai.
7.Irritable Bowel Syndrome –Jinhe irritable bowel syndrome jaise problem hoti hai unko khana khane ke baad pet main dard,gas,aur chubhan ki shikayat ho sakti hai.Ishme kabz ya dast,pet ka phoolna,pet mein marod,chubhan ho sakti hai.
Rahat Paane Ke Liye Ghar Par Konse Upaye Kare ?
1.Halka Aur Healthy Khana khaye – Jyada oily,masaledar bhojan na kare,halka bhojan kare jada heavy bhojan na kare.Ek sath jada bhojan bhi na kare thoda ruk ruk kar thoda thoda kahye ek sath jada na khaye.
2.Pani Zyada Piyen- Pani zyada se zyada piye kam paani poeene se digestion ki samasya ho sakti hai paani jyada peene se digestion bhi behtar hota hai aur apki body hydrate bhi rahti hai.
3.Khane ko achhi tarah Se Chabaye- Kai log jaldi jaldi khana khane ke chakkar me khane ko achhe se chabate bhi nahi hai ye hanikarak ho sakta hai,apko khana dheere khana hai aur khane ko achhe se chaba ke khana hai.
4.Walk kare- Khana khane ke baad turant na soye kam se kam 20 minute ki walk kare.Aap halki walk kar sakte hai isse apka digestion achha hota hai.
5. Chhote Chhote Meals Lein- Ek baar mein hi adhik khana khane se jyada better hai ki kai chhote chhote meals lein,isse digestion bhi theek hoga aur pet ki samasya ya chubhan bhi kam hogi.
Doctor Se Kab Milna sahi Hota Hai ?
Agar samasya jada lagne lage ya dard bahut tez hone lage,baar baar chubhan hone lage,khun ki ulti ya kale rang ka stool pass ho,tez bukhar lagne lage,ulti hone lage.Aisi condition me doctor ki salah zarur lena chahiye.
Conclusion
Khane khane ke baad kai karan se pet mein chubhan ho sakta hai,ye karan gas,acidity,kabz,kharab digestion,gastritis ya peptic ulcer bhi ho sakte hai.agar ye samasya kabhi kabhi ho to ye normal hota hai lekin yadi ye samasya baar baaar bhut jada tez dard ke sath ho to ishe bilkul nazarandaaz nahi karna chahiye aur samay se doctor se jaach karana chahiye.
FAQs
1.Kya khana khane ke baad pet mein chubhan normal hai ?
Agar ye kabhi kabhi hota hai to karan gas ya kharab digestion ho sakta hai lekin jyada samasya hone par doctor se salah lena avashyak hota hai.
2.Kya gas ke karan pet me chubhan ho sakti hai ?
Haan,gas ke banne ke karan aur pet ke phoolne ke karan pet me chubhan ho sakti hai.
3.Kya oily aur spicy khane se pet me chubhan ho sakti hai ?
Haan,jyada oily aur spicy khane se ye pet phoolne aur gas jaisi samasya ho sakti hai ushke karan pet mein dard bhi ho sakta hai.
4.Pet me chubhan hone par doctor ko kab dikhana chahiye ?
Pet me yadi halki chubhan hai to ye normal gas ke karan ho sakti hai lekin yadi baar baar bhut tez dard ke sath chubhan ho to doctor ko jarur dikhana chahiye.
5.Kya khana khane ke turant baad pet mein chubhan hona acidity ka karan ho sakta hai ?
Haan,kai baar acidity ke karan khana khaner ke turant baad pet mein chubhan jaisa mehsoos ho sakta hai ?
6.Kya khana khane ke turant baad letne se chubhan ho sakti hai pet mein ?
Haan,khana khane ke baad hame turant nahi letna chahiye kuch halki physical activity karna chahiye.Aisa ishliye hota hai kyuki letne se pet ka acid upar ki taraf aa sakta hai aur apka digestion bhi slow ho sakta hai.
