Badti umar ke sath sharir,aur ghutnon mein kai prakar ki chhoti badi samasya hone lagti hai.Badhti Umar ke sath sharir me bhi parivartan hote hai.Inme se hath pero me dard,body pain,aur ghutno me dard hona samanya hai.kai log ishe samanya samajh lete hai ki umar badhne ke sath ho raha hai.
yadi ye samasya roj din pratidin badhti jaye to ishko najarandaz nahi karna chahiye kyuki ye samasya ange chalkar ek badi samasya ka roop le leti hai.
Ghutno me dard hone ke peeche kewal umar hi jimmedar nahi hoti,balki ishke peeche aur bhi karan ho sakte hai jaise haddiyon ki kamzori,cartilage ka ghis jana,sharir me bhari pan ya motapa,sharir me koi purani chot ya koi bimari bhi ho sakti hai.
Ish article hum yahi janenge ki kyu hota hai badhti umar me ghutno me dard ?kya hai karan,Laxshan aur bachav.
Kyu Hota Hai Ghutno Mein Dard ?
Ghutna hamare sharir ka ek important part hota hai yadi ghutne kamjor ho jaye to hum na to achhe se khade ho sakte hai na hi chal fir sakte hai,na hi doudh sakte hai.Jab ghutne ki haddiyon,cartilage, ligaments ya hamari maspeshiyon me koi samasya ajati hai to ishke karan hamare ghutno me dard ho sakta hai.
Ghutne Mein Dard ke Anya Karan
1. Cartilage Ka Ghisna- Cartilage ek naram tissue hota hai,ishka kam haddiyon ko apas me ragadne se bachata hai.jaise jaise hamari umar badhti hai ishi ke sath hamara cartilage ghisne lagta hai,aur ishi karan ghutno me dard ho sakta hai.
2.Osteoarthritis- Osteoarthritis ye ghutno ke dard ka sabse aam karan hai.Ishme joint dheere dheere kamjor hone lagta hai aur fir dard ke karan chalne firne me, seediyan chadne me ,uthne bethne me dard hone lagta hai.
3.Maanspeshiyon Ki Kamzori- Jaise jaise umar badhti hai wese wese maanspeshiyon ki takat bhi kam hone lagti hai.Ishke Karan ghutno me adhik dabav padhne lagta hai,ishi karan dard badhne lagta hai.
4.Motapa -Yadi sharir me adhik motapa ho jaye,ya bharipan ho jaye to isse ghutno me zyada zor padhta hai,Zor padhne ke karan ghutno me dard hone ki sikayat ho sakti hai.
5.Purani Chot – Yadi sharir mein koi purani chot hai ya kisi prakar ka fracture hai to isse bhi ghutno me dard bna reh sakta hai.
6. Calcium Aur Vitamin D ki kami – Yadi sharir me calcium aur vitamin D ki kami hai to bhi sharir me,aur ghutno me dard bana rah sakta hai.
7.Gout Ya Rheumatoid Arthritis –Kuch logo me Arthritis jaise rog ke karan bhi hath per aur ghutno me dard bana reh sakta hai.
Ghutno mein dard ke kai lakshan ho sakte hai jaise –
1.Chalna Ya Khade Hone Par dard Hona- Ghutno me dard hone ka sabse aam karan hai ki chalne firne mein ya khade hone par dard hota hai.Pahle ye dard halka hota hai dheere dheere ye dard umar ke sath badhta jata hai.Rojmarra ke kaam karne me dard bna rahta hai.
2.Seediyan Chadne Aur Utarne Mein Dard Hona- jin logo ko ghutno me dard hota hai unko aksar seediyon chadne aur utarne mein dard mehsoos hota hai.Kai baar dabav ke karan dard zyada bhi ho sakta hai.
3.Ghutno Mein Sujan Aana – Kai logon ko ghutno me dard ke karan aksar thoda sujan bhi bani rehti hai.Ye bhi ek samanya lakshan hai ki sujan ghutno me dikh sakti hai.
4.Stiffness Mehsoos Hona- Zyada lambe samay tak ek hi position mein bethe rahne se ya khade rahne se ghutne ko modn.e me ya khade hone me dard mehsoos ho sakta hai
5.Ghutne Modte Samay kat kat ki Awaj Aana- kuch logon ko aksar ghutne Modte time kat kat ya chik chik ki awaz aati hai,ye awaz kai bar ghutno haddiyon ke ghis jane ke karan hoti hai.Jab joint mein ghisav hota hai ya haddiyon ke kamzor hone ke karan aisa hota hai.
6.Daily ke kaam karne Mein Dikkat Hona-Kai baar hame uthne bethne aur daily kaam karne mein bhi ghutno me nirantar dard bana rahta hai.Ish karan koi bhi karya karne me asuvidha mehsoos hoti hai.
7.Chalne ki Raftaar Kam Ho Jana –Ghutno mein dard hone ke karan apke chalne ki raftaar bhi kam ho sakti hai jaldi se chalne me dard ki samasya ho sakti hai.Chalte firte kaam karne me taqleef hoti hai.
8.Raat Mein Dard Ka Badhna- Kai baar raat me din bhar ke kaam ke baad bethne me dard ki samasya ho sakti.Raat me yadi Aram karte waqt bhi yadi zyada dard ho to doctor ki salah lena zaruri hai.
9.Lambe Samay Tak Bethne Me Dard Hona- Kai baar jab hum lambe samay tak ek hi position me bethe rehte hai tub ek dum se uthne aur bethne me dard jyada ho sakta hai.Ek hi jagah par lambe samay par bethne se aur fir uthne me taqleef mehsoos ho sakti hai.
10.Lambe samay Tak Khade Hone Mein Dard Hona- Kai baar jab kisi karan hame lambe samay tak khade hokar kam karna hota hai,tub bhi zyada khade hone ke karan dard zyada mehsoos ho sakta hai.Kisi ek position me lambe samay tak ruk kar position change karne me bhut taqleef mehsoos ho sakti hai.
Ghutnon ke Dard Se Bachne Ke Upaye
1.Daily Halki Exercise Karen- Yadi apke bhi ghutno me dard bana rahta hai to apko bhi kuch halki fulki daily bases par exercise karni chaiye,ishme aap halki walk kar sakte hai,aur body streching kar sakte hai.
2.Calcium Aur Vitamin D Se Bharpoor Ahar lein- Apko adhik se adhik aisi cheejo ka sewan karna chahiye jishme calcium ki poorti ho jaise doodh,paneer,dahi,til,hari sabjiyan,aur taze fruits aur nariyal paani peena chahiye.
3.Lambe Samay Tak Ek Hi Position Mein Na Rahe- Ek hi Position me lambe samay tak na rahe.Har 30 se 40 minutes me kuch physical activity honi chahiye,ek jagah ghanto bethe rahne me dard zyada mehsoos ho sakta hai.
4.Weight Control Mein Rakhe- Weight ko control me rakhna chahiye.Zyada weight badhne se ghutno me zyada pressure padh sakta hai jishke karan dard badh sakta hai aur taqleef zyada mehsoos ho sakti hai.
5.Aramdayak Footwear Use karen – Yadi aap sahi aur aramdayak footwear ka use karte hai to isse apke ghutnon par padhne wale dabav ko kam kiya ja sakta hai.Isse apke ghutno ke dard mein kuch had tak rahat mil sakti hai.
Ghuton Ke Dard Mein In Cheezo Ko Khane Mein Samil Karen
1.Anti-inflammatory Foods- App apni diet me anti-inflammatory foods ko samil karen jaise-
- Haldi
- Adrak
- Lahsun
- Akhrot
- Flax Seeds
In sabhi mein aise posak tatva payen jate hai jo apko healthy rakhne ke sath sath apke joints ki dekhbhal mein sahayak ho sakte hain.Yadi aap inhe santulit aahar ka hissa banate hai to ye apke ghutnon ki sehat ko support kar sakta hai,aur sharir ko jaroori poshan bhi dete hai.Ye kisi bimari ka ilaz to nahi hote par swasth jeewanshaili aur santulit aahar ke sath yadi aap sewan karen to ye faydemand ho sakta hai.
2.Calcium Rich Foods – Calcium rich foods ka sewan karna chahiye jaise doodh,paneer,Til,Ragi,Dahi.Calcium khane se apki haddiyon aur daant ko majboot banae ke liye bahut jaroori hai.
3.Vitamin D Ke Srot-Vitamin D se bharpoor wali cheezo ka sewan karna chahiye, jaise Ande ki zardi,fatty fish.
Ghutnon Ke Dard Mein Kya Nahi Kare
- Bahut Adhik bajan na uthaye.
- Jada lambe samay tak khade na rahe.
- Dard ko nazarandaz na kare.
- Jada oily food na khaye.
- Jada junk food na khaye.
Kab Doctor De Sampark karen ?
Yadi dard bhut zyada badta rahe,ya ghutnon me sujan bani rahe,chalne mein bhut dikkat ho rahi ho,Chot lafne ke baad dard shuru hua ho,Tez bukhar ho,In sabhi condition me doctor ko dikhana zyada theek hota hai.
Conclusion
Badhti umar me ghutno me dard hona samanya baat hai,umar badhne ke sath sharir me kai prakaar ke parivartan hote hai.Lekin yadi samasya jyada ho to doctor ki salah lena bhut zaruri hota hai.Yadi aap sahi aahar,niymit roop se vyayam karte hai,aur weight bhi control mein rakhte hai,to ghutno ko lambe samay tak swasth rakha ja sakta hai.Apne aap ko sahi rakhne ke liye apko ek healthy life style bhi apnani chahiye.Swasth jeevanshaili apnane se aap lambe samay tak swasth rah sakte hai.
FAQs
1.Kya badhti umar mein ghutnon ka dard saamanya hota hai ?
Haan,Badhti umar ke saath joints mein ghisav badh sakta hai,aur ishi karan dard bhi ho sakta hai.
2. Ghutno ke dard se bachne ke liye sabse achha vyayam konsa hai ?
Ghutno ke dard se bachne ke liye aap light vyayam kar sakte hai jaise walking,stretching,aur low impact exercises kar sakte hai.
3.Kya motape se ghutno ka dard badh sakta hai ?
Haan,adhik wajan se ghutno par adhik pressure padhta hai jis karan dard badh sakta hai.
4.Kya calcium ki kami se ghutno me dard badh sakta hai ?
Haan,calcium aur vitamin d ki kami se haddiyon kamjor hoti hai aur ishi karan ghutno me dard ki samasya bhi ho sakti hai.
5.Ghutno ke dard hone par konsi cheeze khani chahiye ?
Ghutno ke dard rahne par hame calcium,vitamin d aur anti-inflammatory foods jaise haldi,adrak,aur dahi ko apne ahar mein shamil karna chahiye.
6.Kya ghutno ka dard bina surgery ke theek ho sakta hai ?
Haan,kai mamlo me sahi vyayam,santulit aahar,aur doctor ki salah se ghutnon ke dard ko kafi had tak kam kiya ja sakta hai.
7.Kya roz chalna ghutnon ke liye faydemand hota hai ?
Haan,halka aur niyamit chalna ghutnon ki maanspeshiyon ko majboot banane aur joints ko sakriya rakhne mein madad kar sakta hai.lekin adhik dard hone par doctor ki salah leni chahiye.
8.Kya zameen par baithna ghutnon ke liye hanikarak hai ?
Haan,jin logon ko ghutnon mein dard ya arthritis ki samasya hai,unhe baar baar,zameen par baithne aur uthne mein takleef ho sakti hai.Aise logo ko zyada kursi ka upyog karna chahiye.
9.Kya ghutnon mein kat kat ki awaz aan hamesha chinta ka vishay hai ?
Nahi,Har baar kat kat ki awaaz kisi badi samasya ka sanket nahi hoti,lekin yadi awaz ke sath dard aur sujan bhi aaye chalne mein dard bhi mehsoos ho to doctor ki salah leni chahiye.
10.Ghutno mein dard mein konsa vitamin important hota hai ?
Vitamin d,Vitamin c,aur calcium se jude poshak tatva haddiyon aur ghutno ke liye important mane jate hain.
