Aajkal ke busy life mein thakan hone ke karan garden ke neeche bhag mein aur sharir ke Kai ango mein dard hona, lambe samay tak bethne ke karan gardan ke neeche dard hona swabhavik hai.Jitna adhik workload hai utni hi sharir mein koi na koi samasya banti hai.Apki ek chhoti si galti apko bhut zyada pareshan kar sakti hai. Aaj kal ke samay mein gardan ke neeche dard hona ek bahut common problem ban chuki hai.Ishke kai karan bhi ho sakte hai.
Ish article mein hum yahi janenge ki garden ke neeche dard kyu bana rahta hai,ishke kya karan hai aur isse kese bacha ja sakta hai.Konse aise saral upay hai jo hame rahat de sakte hai aaiye jante hai.
Garden Ke Neeche Dard
Garden ke neeche dard ka matlub hai ki garden ke theek neeche aur dono kandho ke beech mein dard bane rahna,akadan hona,sir hilane me dard ka ahsas hona.Ye dard kabhi to halka halka hota hai kabhi ye bhut jada tez mehsoos hota hai aur kaam karne mein bhut hi dikkat hoti hai.
Garden Ke Neeche Dard Hone Ke Kya-kya Karan Ho sakte Hai
1.Zyada Der Tak Ek Hi Position Mein Baithna-Kai baar hamari job ke karan hame kai ghanto tak ek hi position mein bethe rahna hota hai.Aise logon mein jinko ghanto tak bethe rah kar kaam karna hota hai aise logo mein aksar gardan ke neeche dard hone ki samasya Dekhi jati hai.
2.Galat Sone Ke Position-Kuch logo ki sone ki position aisi hoti hai jishme takiya bhut mota ya ucha rakhne ke karan bhi garden ke neeche dard hone ke karan banta hai.
3.Galat Sitting Posture Hona- Kai logo ka sitting posture aisa hota hai jisme gardan kai der tak neeche screen ki taraf jhuki hui hoti hai,On screen par bhut der tak jhuk kar dekhne ke karan bhi gardan ke neeche dard bana rah sakta hai.
4.Zyada mobile dekhne ke karan – Kai log ki ghanto mobile jhuk kar dekhne ki adat hoti hai,Jhuk kar dekhne ke karan garden par bahut adhik pressure padhta hai aur ye garden ke neeche dard hona ka karan bhi banta hai.
5.Cervical Spine Se Judi Samasya- kai baar garden ke neeche dard hone ka karan cervical spomdylosis ya disc se judi problem ki wajah se bhi ho sakta hai.Ishme dard ke sath haath mein jhanjhanahat ya sunn jaisa bhi ho sakta hai.
Garden Ke Neeche Dard Hone Ke Lakshan
Garden ke neeche dard hone ke kai sadharan aur gambheer lakshan bhi sakte hai-
Sadharan Lakshan
- Garden mein halka dard bane rahna
- Garden hilane mein dard hona
- Kandho mein dard hona
- Akran hona
- Garden mein akaran hona
- Dard bana rahna
Gambheer Lakshan-
- Bhut hi zyada tez dard hona
- Haath aur ungaliyon ka sunn hona
- Garden bilkul bhi na ghumna
- Bukhar hona
- Sir me dard ya chakkar jaisa aana
- Saans lene me dikkat hona
- Dard kai dino tak lagataar bane rahna
- Raat mein ati se zyada dard hona
- Body par control na hona
Kuch Gharelu Upay
1.Sahi Posture Rakhe- Jab bhi aap long time ke liye bethe jaise ki office mein apko ghanto bethna hota hai tub apni reed ki haddi ko seedha rakhein.Apka posture sahi hona chahiye.Computer table par bhi kam karte time apko apna posture sahi rakhna hai.
2.Halka Massage karwaye- Yadi apki gardan ke neeche dard bana rahta hai to apko doctor ki salah ke baad halka massage kawana chahiye isse muscles bhi strong aur relex hoti hai.aur garden ke neeche dard mein bhi thodi rahat milti hai.
3.Proper Neend Lein- Apko yahi prayas karna hai ki apki neend kam se kam 7 se 8 ghante ki honi chahiye.Achhi neend lene se apki muscles ki recovery bhi achhi hoti hai.
4.Postik Aahar Lein- Postic aahar lein jisme sare postic tatva shamil ho jaise calcium,vitamin D aur protein se bharpur khana khaye.
5. Pani Zyada Piye- Jyada paani peena chahiye ye apki body ko ander se hydrate karta hai.
6. Roz kuch na kuch halki exercise kare ye apko ander se energy se bhara rakhega.
7.Patli Takiyein Ka Use Kare- Jada uchi pillow ka use nahi karna chahiye halki patli pillow ka use kare aap chaho to pillow ko skip bhi kar sakte hai.
8.Weight Manage Rakhe- Apna weight control mein rakhe,yadi weight healthy rahega to reed ki haddi par kam pressure padta hai.
Kya Garden Ke Neeche Ka Dard Hamesha Serious Hota Hai?
Nahi,gardan ke neeche ka dard aksar serious nahi hota hai,Adhiktar garden ke neeche ka dard galat posture me ghanto bethne ke karan hota hai.Ye Dard kuch dino mein apne aap theek ho jata hai lekin yadi dard bhut zyada ho raha ho to hame doctor se dikhana bhut zaruri hota hai.
Kin Logon Ko Adhik Khatra Hota Hai ?
Garden ke neeche hona wala dard aksar apki kharab sitting ke karan hi badhta hai.In logon ko ye samasya adhiktar dekhi jati hai jaise-
- Office time par ghanto ek hi position mein beth kar kam karne ke karan
- Aise students jo lambe samay tak ek hi position mein beth kar padhte hai
- Aise logon mein jo ghanto ek hi position mein rah kar mobile chalate hai ya dekhte hai
- Aise drivers jo ek hi position me rah kar ghanto tak drive karte hai long route ki
- Bhari bharkam saman uthane Wale logon mein
- Bujurg logon mein
Konsi Exercise Faydemand Sabit Hoti Hai ?
Garden ke neeche hone wale dardo se bachne ke liye ap in exercise ko karen jaise
1.Neck Stretch –Apni gardan ko dheere dheere stretch kare kabhi left fir right fir upar aur neeche isse nech stretch hogi aur garden ke neeche ka dard bhi kafi Kam hoga.
2.Shoulder Roll- Apne dono shoulder ko roll kare clockwise fir anti clockwise.Isse garden ke neeche ka dard mei rahat milegi.
3.Chin Tuck Exercise Kare-Ish exercise ko karne se garden par zor padhta hai aur dard kam hota hai.
4.Side Neck Stretch -Daily kuch minutes side neck stretch kare ye apko releif dega.
5.Shoulder Blade Squeeze bhi kar sakte hai ,par apko inko tub hi karna hai jab dard kam ho yadi tez dard hai to aap in exercise ko na kare aur doctor ki salah le.
Hame Kab Doctor Se Milna Chahiye ?
- Yadi apki garden ke neeche ka dard bahut hi tez ho raha ho to doctor se salah lena bhut hi zaruri hota hai.
- Yadi dard ke sath sath hath aur per ki ungliyan sunn ho rahi ho dr.se sampark kare.
- Yadi dard 2 saptah se zyada bana hua hai to ishko nazarandaaz nahi karna chahiye aur turant doctor se milna chahiye.
- Yadi hath aur per mein bhut hi kamzori mehsoos ho rahi ho to bhi hame doctor se ek baar milna chahiye aur doctor ki salah anusaar kaam karna chahiye.
Conclusion
Garden ke neeche halka dard ho jana wese ek aam samasya hai aksar jada der tak ek hi position mein bethne ke karan aisa hota hai,Lekin yadi dard bhut hi asahniye ho to nazarandaaz nahi karna chahiye.Galat posture ke karan aksar garden ke neeche dard ho jata hai.Hame Hamesha ye yaad rakhna chahiye ki apne posture ko hamesa sahi rakhe khaskar tub jab apko lambe time tak beth kar kaam karna ho.Lamnbe samay tak computer ya mobile chalane se bache.Beech beech me thoda streaching karna apke liye laabhdayak ho sakta hai.Yadi samay par samasya par dhyan de diya jaye,To adhiktar logo ko rahat mil sakti hai.Apki khud ke liye ki gai care hi apka bachav hai.
FAQs
1.Kya mobile Zyada Chalane Se Garden me dard hota hai ?
Haan,jada lambe samay tak jhukkar mobile chalane se garden ki muscles par dabav padta hai,aur ye garden ke neeche dard bhi bana sakta hai.
2.Kya vitamin D ki kami se garden me dard ho sakta hai ?
Haan,vitamin D ki kami se hamari haddiyan kmzor ho sakti hai jishke karan sharir ke kai hisso mein dard ho sakta hai.
3.Kya takiya rakh kar sone se garden ke neeche dard ho sakta hai ?
Haan,bhut hi ucha hight ki takiya rakh kar sone se dard ho sakta hai kyuki gardan ki position sahi nahi rahti,jishke karan muscles aur joints par dabav padh sakta hai,aur ish karan garden ke neeche dard akadh aur kandhon me takleef ho sakti hai.
4.Garden ke neeche dard se bachne ke liye kya kare ?
Garden ke neeche hone wale dard se bachne ke liye apko sabse pahle apne posture par dhyan dena chahiye.
5.Garden ke neeche ka dard kitne din mein theek ho jata hai ?
Agar galat posture ke karan dard ho to ye jaldi apne aap hi theek ho jata hai,lekin dard yadi lambe samay tak bana rahe to doctor ko dikhna chahiye.
6.Kya garden ke dard me hame exercise karni chahiye ?
Halke dard mein aap exercise kar sakte hai lekin yadi dard bahut tez ho to doctor ko dikhana jaruri hai.
7.Garden ke dard mein konsi takiya use karni chahiye ?
Garden ke dard mein medium hight wali takiya aur jo apko support dena wali ho wo takiya use karna better hota hai bhut uchi aur bhut hi neechi takiya ka use nahi karna chahiye?
8.Kya stress lene se dard badh sakta hai ?
Haan,stress lene se garden aur kandhon ki muscles tight ho jati hai,jishke karan garden ke neeche dard ho sakta hai ?
