Bina App Aur Calculator ke Calories kaise Count Karen ? Janiye Aasan Tarika

Calories ko samajhna aaj kal ki weight loss aur healthy lifestyle ke liye sabse pehla step hai. Aaj kal ki busy life main weight loss aur ek healthy lifestyle har koi chahta hai,par kese ishe achive karna in tariko par koi baat nahi karta,har koi alag alag advice deta hai aur confusion bana rahta hai.

Aaj kal weight lose ko lekar har koi jagruk ho gya hai,aur yahi karan hai ki aaj kal logon me calories count karne ka jada trend hai,aur ye trend badhta hi ja raha hai.Lekin hum me se kuch log aise bhi hai jo ye sochte hai ki calories count karne ke liye App,Mobile, Calculator,ya food weighing machine ki jarurat hoti hai.

Par aisa bilkul bhi nahi hai ki yadi apke pass app hai ya calculator hai tub hi aap calories count kar paye.Aap bina kisi app ke bhi calories ka andaza laga sakte hai aur apne weight ko control me rakh sakte hai wo bhi bina kisi paresani ke.

Aaiye ish article me hum yahi janenge ki bina kisi app aur calculator ke hum calories kese count kare wo bhi bina kisi jhanjhat ke.

Janiye Calories Kya Hoti Hai ?

Calories energy ki ek unit hoti hai ,Hum jab bhi kuch khate hai to ushko khane ke baad hame usse kuch energy milti hai,jo energy hame milti hai ishe hi calories me napa jata hai.

Hamari body ko bhi saans lene me,chalne firne me,aur exercise karne me, calories ki jarurat hoti hai,Jab hum zarurat se jyada calories lete hai to body ushko fat ke roop me jama karti hai aur yahi karan hai ki hamara weight badh jata hai.

Kya Aap Jante Hai ki Calories Count Karna kyu Zaruri Hai ?

Yadi aap calories count karte hai to ishke apko bhut se fayde milte hai jaise–

• Aap apne weight loss ko behtar tareeke se manage kar sakte hai.
• Overeating se bach sakte hai.
• Ek healthy eating ko follow kar sakte hai.
• Apne weight ko control kar sakte hai.
• Apni fitness journey ko aur achha kar sakte hai.
• Ek healthy life jee sakte hai.

Janiye Bina Aap Aur Calculator Ke Calories kaise Count Kare ?

1. Plate Method ka Use kare – Plate method calories count karne ke liye bhut aasan tarika hai.Ishke liye sabse pahle aap apni plate ko teen hisso me baatein,ishke liye aap ko kisi bhi app ki jarurat nahi hai.

Example ke Liye jab aap lunch kare ya fir dinner kare, aap apni Lunch ki plate ke pure aadhe hisse me salad aur Sabji se bharein ye fiber aur poshak tatvon se bharpur hota hai,aur isse lambe samay tak pet bhara rahta hai.

Ab apki plate 50% bhari hui hai salad aur sabji se ab jo baki hissa hai aap ushko bhi do bhag me baatein jisme se 25% me aap pura protein bhare jaise soyabean,paneer,rajma,chana,daal rajma. Protein apki bhukh ko control karne me help karta hai.

Ab jo 25 % hissa bacha hai plate ka ushme aap carbohydrate se bhare jaise roti,chawal,daliya,millet ye apki body ko energy deta hai.

2.Portion Size Par Dhyan De- Jab aap apni plate lagaye to aap upar jaisa bataya gya hai ushke anusar apni plate jamaye.Ab apko ye bhi dekhna hoga ki plate me jo cheeje apne rakhi hai unka portion size kya hai.Har cheez ko toulna zaruri nahi hai par.Par aap apne haath ki madad se portion size ka andaza laga sakte hai.

• Sabse pehle aap hatheli jitna protein lein
• Mutthi jitna chawal lein
• Anguthe ke size jitna ghee ya butter
• Do Mutthi sabji ya salad

Ish tarah se khane ka portion lene se lagbhag aap calories ka sahi andaza laga sakte ho wo bhi bina kisi app ya calculator ke.

3.Liquid Calories Ko Bhi Count karein – Kai log khane ki calories ko to count karte hai par jab baat liquid ki khoti hai to bhul jate hai,kuch liquid drinks jaise–

• Cold Drinks
• Sweet Coffee
• Flavoured Milk
• Energy Drinks
• Packaged Juice

kya aap jante hai ye drinks kabhi kabhi pure meal jitni calories de sakte hai isliye inko apko nazarandaz nahi karna hai.

4. Khane ki Quality Ko Semit Rakhe– Kai log plate bhar bhar kar khana lete hai aur kai servings me khana lete hai aur jaldi jaldi khana khate hai,Isse calories bhi jada ho sakti hai isliye apko jarurat se jada servings nahi chahiye aur khane ko bahut hi aaram se khana chahiye.

5.Processed Food Kam Khaye- Kai log processed food bhut khate hai jaise chips, kurkure,namkeen, cookies.Processed food me calories adhik hoti hai.Ishliye ghar ka khana zyada se zyada khaye isse aap aram se calories count kar payenge.

6.Asli Bhukh ko Jane – Kuch log jab bhukh nahi lagi hoti tub bhi kha lete hai jisse calories jada hone k chances hote hai,hame jab asli bhukh lage tub hi khana khana chahiye.

Calories Count karte Samay ye Galtiyan Na Karen

1.Chai Aur Snacks ko Ignore Karein – Kuch log din bhar chai aur snacks lete hai ,ye apki calories ko badha sakta hai to hame inko ignore karna chahiye.

2.Oily khana – Kai log khana khate hai par unki sabji me oil ki matra bhut adhik hoti hai ye bhi apki calories ko badha sakti hai.

3.Healthy Food Samjh kar Zada kha Lena- Kai bar log khane ko healthy samajh kar bhut Sara khana kha lete hai,aise me calories badhne ki bhut adhik chance hote hai khana hmesha portion size se hi khana chahiye.Portion Size control zaruri hai.

Janiye Konse Food Mein Calories Zada Hoti Hai

• Meethi Cheezo mein
• Fried Cheejo mein
• Surgery drinks mein
• Fast food
• Processed food mein
• Bakery Products

Kin Food Items Me Kam Calories Hoti Hai ?

• Hari Sabjiyan
• Fruits
• Salad
• Daal
• Sprouts

Calories Count Karte Time Nutrition Ko Bhi Dhyan Mein Rakhna Chahiye

Kuch log calories ko to bhut focus karte hai par wo nutrition ko dhyan nahi rakhte,jabki fiber, vitamins, minerals, Protein bhi utna hi zaruri hota hai.100 calories ki chocolate aur 100 calories ki salad dono hi sharir par alag alag prabhav dalti hai.

Janiye Bina Calories Count Karen Overeating Se Kaise Bache

• Har meal se pahle pani piyen
• khana dheere dheere Khaye
• 80% pet bhare na ki 100%
• Khate samay mobile,TV Computer na dekhe

Conclusion- Aaj kal ke samay me calories count karna koi kathin kaam nahi hai.Bina app aur calculator ke bhi aap portion size,aur plate method ko follow karke asani se calories ka andaza laga sakte hai.Aap ek healthy eating habit bana kar calories count kar sakte hai bina kisi app ke.Bus hame chhoti si baat hmesha yaad rakhni chahiye ki sahi bhojan sahi matra me aur sahi time par karna chahiye.Ish tarah aap easily calories bhi count kar sakte hai aur ek healthy life jee sakte hai.Ye chhote chhote changes bade badlav la sakte hai.

FAQs

1.Kya roti aur chawal ki calories bina tole count ki ja sakti hai ?

Haan,1 medium size ki roti me lagbhag 70-1 00 calories hoti hai aur do roti me lag bhag 140 se 200 calories hoti hai,ishke alawa mutthi aur plate method ki help se aap calories ka lag bhag sahi andaaz laga sakte hai.

2.Kya calories count kiye bina bhi weight lose ho sakta hai ?

Haan,Portion size ka dhyan rakh kar aap weight lose kar sakte hai.

3.Kya calories count karne ke liye weighing machine zaruri hai ?

Nahi,aam logo ke liye ye jaruri nahi,bina weighing machine ke bhi calories ka andaza laga sakte hai.

4. Kya portion control se calories intake kam kiya ja sakta hai ?

Haan, portion control karke calories intake kam kiya ja sakta hai ye ek bhut hi prabhav sali tareeka hai.

5.Kya bahar ke khane me jada calories hoti hai ?

Haan,kyuki bahar ke khane me koi bhi cheez adhik matra me ho sakti hai.

6.Kya ghar ka bana khana bhi calories bada sakta hai ?

Haan, Ghar ke bane khane me yadi oil,ghee,cheeni bhut adhik matra me hai to ye bhi apki calories bada sakta hai.

7.Kya Tea aur Coffee me adhik calories hoti hai ?

Haan,tea aur coffee me adhik calories ho sakti hai yadi ushme jada sugar,milk,aur cream ki adhik matra ho.

8.Kya salad me kam calories hoti hai ?

Haan,salad me kam calories hoti hai,aur kam calories ke liye hum ishe kha sakte hai.

9.Kya calories count kiye bina bhi fit raha ha sakta hai ?

Haan,yadi aap portion control,balanced diet,aur regular thodi exercise karte hai to aap fit rah sakte hai.

10.Kya ek din zyada calories kha lene se bajan badh jata hai ?

Nahi,ek din ki Overeating se turant motapa nahi badhta hai.Lekin lagatar Overeating karne se weight badhne ke zyada chances hote hai.

11.Kya paani me bhi calories hoti hai ?

Nahi,saade pani me calor6nahi hoti hai.

12.kya bhooke rahne se calories kam hoti hai ?

Haan,Bhooke rahne se calories kam hoti hai.

13.kya dryfruits ki calories zyada hoti hai ?

Haan,dry fruits me calories adhik hoti hai inme poshak tatva bhi bharpur hote hai.

14.kya weakend par calories count karna chhod dena chahiye ?

Nahi,weakend par bhi calories count katni chahiye , santulit matra me khana khana behtar hota hai.

15.kya calories count karne ka matlab kam khana khana hai ?

Nahi, calories count karne ka matlab kam khana khana nahi hai balki santulit matra me khana khana hai.